সূক্ত 134

134.1

৭,১-৬ (পূর্বার্ধস্য) মান্ধাতা যৌবনাশ্বঃ,৬ (উত্তরার্ধস্য) ৭ গোধা ঋষিকা। ইন্দ্রঃ। মহাপংক্তিঃ, ৭ পংক্তিঃ।

উভে যদিন্দ্র রোদসী আপপ্রাথোষা ইব ।
মহান্তং ত্বা মহীনাং সম্রাজং চর্ষণীনাং দেবী জনিত্র্যজীজনদ্ভদ্রা জনিত্র্যজীজনৎ ॥১॥

134.2

অব স্ম দুর্হণায়তো মর্তস্য তনুহি স্থিরম্ ।
অধস্পদং তমীং কৃধি যো অস্মাঁ আদিদেশতি দেবী জনিত্র্যজীজনদ্ভদ্রা জনিত্র্যজীজনৎ ॥২॥

134.3

অব ত্যা বৃহতীরিষো বিশ্বশ্চন্দ্রা অমিত্রহন্ ।
শচীভিঃ শক্র ধূনুহীন্দ্র বিশ্বাভিরূতিভির্দেবী জনিত্র্যজীজনদ্ভদ্রা জনিত্র্যজীজনৎ ॥৪॥

134.4

অব যত্ত্বং শতক্রতবিন্দ্র বিশ্বানি ধূনুষে ।
রয়িং ন সুন্বতে সচা সহস্রিণীভিরূতিভির্দেবী জনিত্র্যজীজনদ্ভদ্রা জনিত্র্যজীজনৎ ॥৪॥

134.5

অব স্বেদা ইবাভিতো বিষ্বক্পতন্তু দিদ্যবঃ ।
দূর্বায়া ইব তন্তবো ব্য১স্মদেতু দুর্মতির্দেবী জনিত্র্যজীজনদ্ভদ্রা জনিত্র্যজীজনৎ ॥৫॥

134.6

দীর্ঘং হ্যঙ্কুশং যথা শক্তিং বিভর্ষি মন্তুমঃ ।
পূর্বেণ মঘবন্পদাঽজো বয়াং যথা যমো দেবী জনিত্র্যজীজনদ্ভদ্রা জনিত্র্যজীজনৎ ॥৬॥

134.7

নকির্দেবা মিনীমসি নকিরা যোপয়ামসি মন্ত্রশ্রুত্যং চরামসি ।
পক্ষেভিরপিকক্ষেভিরত্রাভি সং রভামহে ॥৭॥