সূক্ত 130

130.1

৭ যজ্ঞঃ প্রাজাপত্যঃ। ভাববৃত্তম্। ত্রিষ্টুপ্ , ১ জগতী।

যো যজ্ঞো বিশ্বতস্তন্তুভিস্তত একশতং দেবকর্মেভিরায়তঃ ।
ইমে বয়ন্তি পিতরো য আয়য়ুঃ প্র বয়াপ বয়েত্যাসতে ততে ॥১॥

130.2

পুমাঁ এনং তনুত উত্কৃণত্তি পুমান্বি তত্নে অধি নাকে অস্মিন্ ।
ইমে ময়ূখা উপ সেদুরূ সদঃ সামানি চক্রুস্তসরাণ্যোতবে ॥২॥

130.3

কাসীত্প্রমা প্রতিমা কিং নিদানমাজ্যং কিমাসীত্পরিধিঃ ক আসীৎ ।
ছন্দঃ কিমাসীত্প্রউগং কিমুক্থং যদ্দেবা দেবময়জন্ত বিশ্বে ॥৩॥

130.4

অগ্নের্গায়ত্র্যভবত্সয়ুগ্বোষ্ণিহয়া সবিতা সং বভূব ।
অনুষ্টুভা সোম উক্থৈর্মহস্বান্বৃহস্পতের্বৃহতী বাচমাবৎ ॥৪॥

130.5

বিরাণ্মিত্রাবরুণয়োরভিশ্রীরিন্দ্রস্য ত্রিষ্টুবিহ ভাগো অহ্নঃ ।
বিশ্বান্দেবাঞ্জগত্যা বিবেশ তেন চাকৢপ্র ঋষয়ো মনুষ্যাঃ ॥৫॥

130.6

চাকৢপ্রে তেন ঋষয়ো মনুষ্যা যজ্ঞে জাতে পিতরো নঃ পুরাণে ।
পশ্যন্মন্যে মনসা চক্ষসা তান্য ইমং যজ্ঞময়জন্ত পূর্বে ॥৬॥

130.7

সহস্তোমাঃ সহছন্দস আবৃতঃ সহপ্রমা ঋষয়ঃ সপ্ত দৈব্যাঃ ।
পূর্বেষাং পন্থামনুদৃশ্য ধীরা অন্বালেভিরে রথ্যো৩ ন রশ্মীন্ ॥৭॥