সূক্ত 129

129.1

৭ প্রজাপতিঃ পরমেষ্ঠী। ভাববৃত্তম্। ত্রিষ্টুপ্।

নাসদাসীন্নো সদাসীত্তদানীং নাসীদ্রজো নো ব্যোমা পরো যৎ ।
কিমাবরীবঃ কুহ কস্য শর্মন্নম্ভঃ কিমাসীদ্গহনং গভীরম্ ॥১॥

ন মৃত্যুরাসীদমৃতং ন তর্হি ন রাত্র্যা অহ্ন আসীত্প্রকেতঃ ।
আনীদবাতং স্বধয়া তদেকং তস্মাদ্ধান্যন্ন পরঃ কিং চনাস ॥২॥

তম আসীত্তমসা গূল্হমগ্রেঽপ্রকেতং সলিলং সর্বমা ইদম্ ।
তুচ্ছ্যেনাভ্বপিহিতং যদাসীত্তপসস্তন্মহিনাজায়তৈকম্ ॥৩॥

কামস্তদগ্রে সমবর্ততাধি মনসো রেতঃ প্রথমং যদাসীৎ ।
সতো বন্ধুমসতি নিরবিন্দন্হৃদি প্রতীষ্যা কবয়ো মনীষা ॥৪॥

তিরশ্চীনো বিততো রশ্মিরেষামধঃ স্বিদাসী৩দুপরি স্বিদাসী৩ৎ ।
রেতোধা আসন্মহিমান আসন্ত্স্বধা অবস্তাত্প্রয়তিঃ পরস্তাৎ ॥৫॥

কো অদ্ধা বেদ ক ইহ প্র বোচত্কুত আজাতা কুত ইয়ং বিসৃষ্টিঃ ।
অর্বাগ্দেবা অস্য বিসর্জনেনাঽথা কো বেদ যত আবভূব ॥৬॥

ইয়ং বিসৃষ্টির্যত আবভূব যদি বা দধে যদি বা ন ।
যো অস্যাধ্যক্ষঃ পরমে ব্যোমন্ত্সো অঙ্গ বেদ যদি বা ন বেদ ॥৭॥