Sukta 130

130.1

7 yagyah prajapatyah, bhavavrittam, trishtup, 1 jagati

यो य॒ज्ञो वि॒श्वत॒स्तन्तु॑भिस्त॒त एक॑शतं देवक॒र्मेभि॒राय॑तः ।
इ॒मे व॑यन्ति पि॒तरो॒ य आ॑य॒युः प्र व॒याप॑ व॒येत्या॑सते त॒ते ॥१॥

Yo yagyo vishvatastantubhistata ekashatam devakarmebhirayatah
Ime vayanti pitaro ya ayayuh pra vayapa vayetyasate tate

पुमाँ॑ एनं तनुत॒ उत्कृ॑णत्ति॒ पुमा॒न्वि त॑त्ने॒ अधि॒ नाके॑ अ॒स्मिन् ।
इ॒मे म॒यूखा॒ उप॑ सेदुरू॒ सद॒ः सामा॑नि चक्रु॒स्तस॑रा॒ण्योत॑वे ॥२॥

Pumam enam tanuta utkrinatti pumanvi tatne adhi nake asmin
Ime mayukha upa seduru sadah samani chakrustasaranyotave

कासी॑त्प्र॒मा प्र॑ति॒मा किं नि॒दान॒माज्यं॒ किमा॑सीत्परि॒धिः क आ॑सीत् ।
छन्द॒ः किमा॑सी॒त्प्रउ॑गं॒ किमु॒क्थं यद्दे॒वा दे॒वमय॑जन्त॒ विश्वे॑ ॥३॥

Kasitprama pratima kim nidanamajyam kimasitparidhih ka asit
Chhandah kimasitpraugam kimuktham yaddeva devamayajanta vishve

अ॒ग्नेर्गा॑य॒त्र्य॑भवत्स॒युग्वो॒ष्णिह॑या सवि॒ता सं ब॑भूव ।
अ॒नु॒ष्टुभा॒ सोम॑ उ॒क्थैर्मह॑स्वा॒न्बृह॒स्पते॑र्बृह॒ती वाच॑मावत् ॥४॥

Agnergayatryabhavatsayugvoshnihaya savita sam babhuva
Anushtubha soma ukthairmahasvanbrihaspaterbrihati vachamavat

वि॒राण्मि॒त्रावरु॑णयोरभि॒श्रीरिन्द्र॑स्य त्रि॒ष्टुबि॒ह भा॒गो अह्न॑ः ।
विश्वा॑न्दे॒वाञ्जग॒त्या वि॑वेश॒ तेन॑ चाकॢप्र॒ ऋष॑यो मनु॒ष्या॑ः ॥५॥

Viranmitravarunayorabhishririndrasya trishtubiha bhago ahnah
Vishvandevanjagatya vivesha tena chaklipra rishayo manushyah

चा॒कॢ॒प्रे तेन॒ ऋष॑यो मनु॒ष्या॑ य॒ज्ञे जा॒ते पि॒तरो॑ नः पुरा॒णे ।
पश्य॑न्मन्ये॒ मन॑सा॒ चक्ष॑सा॒ तान्य इ॒मं य॒ज्ञमय॑जन्त॒ पूर्वे॑ ॥६॥

Chaklipre tena rishayo manushya yagye jate pitaro nah purane
Pashyanmanye manasa chakshasa tanya imam yagyamayajanta purve

स॒हस्तो॑माः स॒हछ॑न्दस आ॒वृत॑ः स॒हप्र॑मा॒ ऋष॑यः स॒प्त दैव्या॑ः ।
पूर्वे॑षां॒ पन्था॑मनु॒दृश्य॒ धीरा॑ अ॒न्वाले॑भिरे र॒थ्यो॒३ न र॒श्मीन् ॥७॥

Sahastomah sahachhandasa avritah sahaprama rishayah sapta daivyah
Purvesham panthamanudrishya dhira anvalebhire rathyo3 na rashmin