সূক্ত 96

96.1

৯ কুত্স আঙ্গিরসঃ। অগ্নিঃ, দ্রবিণোদা অগ্নির্বা। ত্রিষ্টুপ্।

স প্রত্নথা সহসা জায়মানঃ সদ্যঃ কাব্যানি বলধত্ত বিশ্বা ।
আপশ্চ মিত্রং ধিষণা চ সাধন্ দেবা অগ্নিং ধারয়ন্ দ্রবিণোদাম্ ॥১॥

96.2

স পূর্বয়া নিবিদা কব্যতায়োরিমাঃ প্রজা অজনয়ন্মনূনাম্ ।
বিবস্বতা চক্ষসা দ্যামপশ্চ দেবা অগ্নিং ধারয়ন্ দ্রবিণোদাম্ ॥২॥

96.3

তমীলত প্রথমং যজ্ঞসাধং বিশ আরীরাহুতমৃঞ্জসানম্ ।
ঊর্জঃ পুত্রং ভরতং সৃপ্রদানুং দেবা অগ্নিং ধারয়ন্ দ্রবিণোদাম্ ॥৩॥

96.4

স মাতরিশ্বা পুরুবারপুষ্টির্বিদদ্ গাতুং তনয়ায় স্বর্বিৎ ।
বিশাং গোপা জনিতা রোদস্যোর্দেবা অগ্নিং ধারয়ন্ দ্রবিণোদাম্ ॥৪॥

96.5

নক্তোষাসা বর্ণমামেম্যানে ধাপয়েতে শিশুমেকং সমীচী ।
দ্যাবাক্ষামা রুক্মো অন্তর্বি ভাতি দেবা অগ্নিং ধারয়ন্ দ্রবিণোদাম্ ॥৫॥

96.6

রায়ো বুধ্নঃ সংগমনো বসূনাং যজ্ঞস্য কেতুর্মন্মসাধনো বেঃ ।
অমৃতত্বং রক্ষমাণাস এনং দেবা অগ্নিং ধারয়ন্ দ্রবিণোদাম্ ॥৬॥

96.7

নূ চ পুরা চ সদনং রয়ীণাং জাতস্য চ জায়মানস্য চ ক্ষাম্ ।
সতশ্চ গোপাং ভবতশ্চ ভূরের্দেবা অগ্নিং ধারয়ন্ দ্রবিণোদাম্ ॥৭॥

96.8

দ্রবিণোদা দ্রবিণসস্তুরস্য দ্রবিণোদাঃ সনরস্য প্র যংসৎ ।
দ্রবিণোদা বীরবতীমিষং নো দ্রবিণোদা রাসতে দীর্ঘমায়ুঃ ॥৮॥

96.9

এবা নো অগ্নে সমিধা বৃধানো রেবৎ পাবক শ্রবস বি ভাহি ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥৯॥