সূক্ত 97

97.1

৮ কুত্স আঙ্গিরসঃ। অগ্নিঃ, শুচিরগ্নির্বা। গায়ত্রী।

অপ নঃ শোশুচদঘমগ্নে শুশুগ্ধ্যা রয়িম্ । অপ নঃ শোশুচদঘম্ ॥১॥

সুক্ষেত্রিয়া সুগাতুয়া বসূয়া চ যজামহে । অপ নঃ শোশুচদঘম্ ॥২॥

প্র যদ্ ভন্দিষ্ঠ এষাং প্রাস্মাকাসশ্চ সূরয়ঃ । অপ নঃ শোশুচদঘম্ ॥৩॥

প্র যত্তে অগ্নে সূরয়ো জায়েমহি প্র তে বয়ম্ । অপ নঃ শোশুচদঘম্ ॥৪॥

প্র যদগ্নেঃ সহস্বতো বিশ্বতো যন্তি ভানবঃ । অপ নঃ শোশুচদঘম্ ॥৫॥

ত্বং হি বিশ্বতোমুখ বিশ্বতঃ পরিভূরসি । অপ নঃ শোশুচদঘম্ ॥৬॥

দ্বিষো নো বিশ্বতোমুখাতি নাবেব পারয় । অপ নঃ শোশুচদঘম্ ॥৭॥

স নঃ সিন্ধুমিব নাবয়াতি পর্ষা স্বস্তয়ে । অপ নঃ শোশুচদঘম্ ॥৮॥