সূক্ত 98

98.1

৩ কুত্স আঙ্গিরসঃ। অগ্নিঃ, বৈশ্বানরোঽগ্নির্বা । ত্রিষ্টুপ্।

বৈশ্বানরস্য সুমতৌ স্যাম রাজা হি কং ভুবনানামভিশ্রীঃ ।
ইতো জাতো বিশ্বমিদং বি চষ্টে বৈশ্বানরো যততে সূর্যেণ ॥১॥

98.2

পৃষ্টো দিবি পৃষ্টো অগ্নিঃ পৃথিব্যাং পৃষ্টো বিশ্বা ওষধীরা বিবেশ ।
বৈশ্বানরঃ সহসা পৃষ্টো অগ্নিঃ স নো দিবা স রিষঃ পাতু নক্তম্ ॥২॥

98.3

বৈশ্বানর তব তৎ সত্যমস্ত্বস্মান্ রায়ো মঘবানঃ সচন্তাম্ ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥৩॥