Sukta 98

98.1

3 kutsa angirasah, agnih, vaishvanarognirva, trishtup

वै॒श्वा॒न॒रस्य॑ सुम॒तौ स्या॑म॒ राजा॒ हि कं॒ भुव॑नानामभि॒श्रीः ।
इ॒तो जा॒तो विश्व॑मि॒दं वि च॑ष्टे वैश्वान॒रो य॑तते॒ सूर्ये॑ण ॥१॥

Vaishvanarasya sumatau syama raja hi kam bhuvananamabhishrih
Ito jato vishvamidam vi chashte vaishvanaro yatate suryena

पृ॒ष्टो दि॒वि पृ॒ष्टो अ॒ग्निः पृ॑थि॒व्यां पृ॒ष्टो विश्वा॒ ओष॑धी॒रा वि॑वेश ।
वै॒श्वा॒न॒रः सह॑सा पृ॒ष्टो अ॒ग्निः स नो॒ दिवा॒ स रि॒षः पा॑तु॒ नक्त॑म् ॥२॥

Prishto divi prishto agnih prithivyam prishto vishva oshadhira vivesha
Vaishvanarah sahasa prishto agnih sa no diva sa rishah patu naktam

वैश्वा॑नर॒ तव॒ तत् स॒त्यम॑स्त्व॒स्मान् रायो॑ म॒घवा॑नः सचन्ताम् ।
तन्नो॑ मि॒त्रो वरु॑णो मामहन्ता॒मदि॑ति॒ः सिन्धु॑ः पृथि॒वी उ॒त द्यौः ॥३॥

Vaishvanara tava tat satyamastvasman rayo maghavanah sachantam
Tanno mitro varuno mamahantamaditih sindhuh prithivi uta dyauh