সূক্ত 63

63.1

৯ নোধা গৌতমঃ। ইন্দ্রঃ। ত্রিষ্টুপ্।

ত্বং মহাঁ ইন্দ্র যো হ শুষ্মৈর্দ্যাবা জজ্ঞানঃ পৃথিবী অমে ধাঃ ।
যদ্ধ তে বিশ্বা গিরয়শ্চিদভ্বা ভিয়া দৃহ্লাসঃ কিরণা নৈজন্ ॥১॥

63.2

আ যদ্ধরী ইন্দ্র বিব্রতা বেরা তে বজ্রং জরিতা বাহ্বোর্ধাৎ ।
যেনাবিহর্যতক্রতো অমিত্রান্ পুর ইষ্ণাসি পুরুহূত পূর্বীঃ ॥২॥

63.3

ত্বং সত্য ইন্দ্র ধৃষ্ণুরেতান্ ত্বমৃভুক্ষা নর্যস্ত্বং ষাট্ ।
ত্বং শুষ্ণং বৃজনে পৃক্ষ আণৌ যূনে কুত্সায় দ্যুমতে সচাহন্ ॥৩॥

63.4

ত্বং হ ত্যদিন্দ্র চোদীঃ সখা বৃত্রং যদ্ বজ্রিন্ বৃষকর্মন্নুভ্নাঃ ।
যদ্ধ শূর বৃষমণঃ পরাচৈর্বি দস্যূঁর্যোনাবকৃতো বৃথাষাট্ ॥৪॥

63.5

ত্বং হ ত্যদিন্দ্রারিষণ্যন্ দৃহ্লস্য চিন্মর্তানামজুষ্টৌ ।
ব্য ১ স্মদা কাষ্ঠা অর্বতে বর্ঘনেব বজ্রিঞ্ছ্নথিহ্যমিত্রান্ ॥৫॥

63.6

ত্বাং হ ত্যদিন্দ্রার্ণসাতৌ স্বর্মীহ্লে নর আজা হবন্তে ।
তব স্বধাব ইয়মা সমর্য ঊতির্বাজেষ্বতসায্যা ভূৎ ॥৬॥

63.7

ত্বং হ ত্যদিন্দ্র সপ্ত যুধ্যন্পু পুরো বজ্রিন্ পুরুকুত্সায় দর্দঃ ।
বর্হির্ন যৎ সুদাসে বৃথা বর্গংহো রাজন্ বরিবঃ পূরবে কঃ ॥৭॥

63.8

ত্বং ত্যাং ন ইন্দ্র দেব চিত্রামিষমাপো ন পীপয়ঃ পরিজ্মন্ ।
যয়া শূর প্রত্যস্মভ্যং যংসি ত্মনমূর্জং ন বিশ্বধ ক্ষরধ্যৈ ॥৮॥

63.9

অকারি ত ইন্দ্র গোতমেভির্ব্রহ্মাণ্যোক্তা নমসা হরিভ্যাম্ ।
সুপেশসং বাজমা ভরা নঃ প্রাতর্মক্ষূ ধিয়াবসুর্জগম্যাৎ ॥৯॥