সূক্ত 64

64.1

১৫ নেধা গৌতমঃ। মরুতঃ। জগতী, ১৫ ত্রিষ্টুপ্।

বৃষ্ণে শর্ধায় সুমখায় বেধসে নোধঃ সুবৃক্তিং প্র ভরা মরুদ্ভ্যঃ ।
অপো ন ধীরো মনসা সুহস্ত্যো গিরঃ সমঞ্জে বিদথেষ্বাভুবঃ ॥১॥

তে জজ্ঞিরে দিব ঋষ্বাস উক্ষণো রুদ্রস্য মর্যা অসুরা অরেপসঃ ।
পাবকাসঃ শুচয়ঃ সূর্যা ইব সত্বানো ন দ্রপ্সিনো ঘোরবর্পসঃ ॥২॥

যুবানো রুদ্রা অজরা অভোগ্ঘনো ববক্ষুরধ্রিগাবঃ পর্বতা ইব ।
দৃহ্লা চিদ্ বিশ্বা ভুবনানি পার্থিবা প্র চ্যাবয়ন্তি দিব্যানি মজ্মনা ॥৩॥

চিত্রৈরঞ্জিভির্বপুষে ব্যঞ্জতে বক্ষঃসু রুক্মাঁ অধি যেতিরে শুভে ।
অংসেষ্বেষাং নি মিমৃক্ষৃর্ঋষ্টয়ঃ সাকং জজ্ঞিরে স্বধয়া দিবো নরঃ ॥৪॥

ঈশানকৃতো ধুনয়ো রিশাদসো বাতান্ বিদ্যুতস্তবিষীভিরক্রত ।
দুহন্ত্যূধর্দিব্যানি ধূতয়ো ভূমিং পিন্বন্তি পয়সা পরিজ্রয়ঃ ॥৫॥

পিন্বন্ত্যপো মরুতঃ সুদানবঃ পয়ো ঘৃতবদ্ বিদথেষ্বাভুবঃ ।
অত্যং ন মিহে বি নয়ন্তি বাজিনমুত্সং দুহন্তি স্তনয়ন্তমক্ষিতম্ ॥৬॥

মহিষাসো মায়িনশ্চিত্রভানবো গিরয়ো ন স্বতবসো রঘুষ্যদঃ ।
মৃগা ইব হস্তিনঃ খাদথা বনা যদারুণীষু তবিষীরয়ুগ্ধ্বম্ ॥৭॥

সিংহা ইব নানদতি প্রচেতসঃ পিশা ইব সুপিশো বিশ্ববেদসঃ ।
ক্ষপো জিন্বন্তঃ পৃষতীভির্ঋষ্টিভিঃ সমিত্সবাধঃ শবসাহিমন্যবঃ ॥৮॥

রোদসী আ বদতা গণশ্রিয়ো নৃষাচঃ শূরাঃ শবসাহিমন্যবঃ ।
আ বন্ধুরেষ্বমতির্ন দর্শতা বিদ্যুন্ন তস্থৌ মরুতো রথেষু বঃ ॥৯॥

বিশ্ববেদসো রয়িভিঃ সমোকসঃ সংমিশ্লাসস্তবিষীভির্বিরপ্শিনঃ ।
অস্তার ইষং দধিরে গভস্ত্যোরনন্তশুষ্মা বৃষখাদয়ো নরঃ ॥১০॥

হিরণ্যয়েভিঃ পবিভিঃ পয়োবৃধ উজ্জিঘ্নন্ত আপথ্যো ৩ ন পর্বতান্ ।
মখা অয়াসঃ স্বসৃতো ধ্রুবচ্যুতো দুধ্রকৃতো মরুতো ভ্রাজদৃষ্টয়ঃ ॥১১॥

ঘৃষুং পাবকং বনিনং বিচর্ষণিং রুদ্রস্য সূনুং হবসা গৃণীমসি ।
রজস্তুরং তবসং মারুতং গণমৃজীষিণং বৃষণং সশ্চত শ্রিয়ে ॥১২॥

প্র নূ স মর্তঃ শবসা জনাঁ অতি তস্থৌ ব ঊতী মরুতো যমাবত ।
অর্বদ্ভির্বাজং ভরতে ধনা নৃভিরাপৃচ্ছ্যং ক্রতুমা ক্ষেতি পুষ্যতি ॥১৩॥

চর্কৃত্যং মরুতঃ পৃত্সু দুষ্টরং দ্যুমন্তং শুষ্মং মঘবত্সু ধত্তন ।
ধনস্পৃতমুক্থ্যং বিশ্বচর্ষণিং তোকং পুষ্যেম তনয়ং শতং হিমাঃ ॥১৪॥

নূ ষ্ঠিরং মরুতো বীরবন্তমৃতীষাহং রয়িমস্মাসু ধত্ত ।
সহস্রিণং শতিনং শূশুবাংসং প্রাতর্মক্ষূ ধিয়াবসুর্জগম্যাৎ ॥১৫॥