Sukta 63

63.1

9 nodha gautamah, indrah, trishtup

त्वं म॒हाँ इ॑न्द्र॒ यो ह॒ शुष्मै॒र्द्यावा॑ जज्ञा॒नः पृ॑थि॒वी अमे॑ धाः ।
यद्ध॑ ते॒ विश्वा॑ गि॒रय॑श्चि॒दभ्वा॑ भि॒या दृ॒ह्लास॑ः कि॒रणा॒ नैज॑न् ॥१॥

Tvam maham indra yo ha shushmairdyava jagyanah prithivi ame dhah
Yaddha te vishva girayashchidabhva bhiya drihlasah kirana naijan

63.2

आ यद्धरी॑ इन्द्र॒ विव्र॑ता॒ वेरा ते॒ वज्रं॑ जरि॒ता बा॒ह्वोर्धा॑त् ।
येना॑विहर्यतक्रतो अ॒मित्रा॒न् पुर॑ इ॒ष्णासि॑ पुरुहूत पू॒र्वीः ॥२॥

A yaddhari indra vivrata vera te vajram jarita bahvordhat
Yenaviharyatakrato amitran pura ishnasi puruhuta purvih

63.3

त्वं स॒त्य इ॑न्द्र धृ॒ष्णुरे॒तान् त्वमृ॑भु॒क्षा नर्य॒स्त्वं षाट् ।
त्वं शुष्णं॑ वृ॒जने॑ पृ॒क्ष आ॒णौ यूने॒ कुत्सा॑य द्यु॒मते॒ सचा॑हन् ॥३॥

Tvam satya indra dhrishnuretan tvamribhuksha naryastvam shat
Tvam shushnam vrijane priksha anau yune kutsaya dyumate sachahan

63.4

त्वं ह॒ त्यदि॑न्द्र चोदी॒ः सखा॑ वृ॒त्रं यद् व॑ज्रिन् वृषकर्मन्नु॒भ्नाः ।
यद्ध॑ शूर वृषमणः परा॒चैर्वि दस्यूँ॒र्योना॒वकृ॑तो वृथा॒षाट् ॥४॥

Tvam ha tyadindra chodih sakha vritram yad vajrin vrishakarmannubhnah
Yaddha shura vrishamanah parachairvi dasyunryonavakrito vrithashat

63.5

त्वं ह॒ त्यदि॒न्द्रारि॑षण्यन् दृ॒ह्लस्य॑ चि॒न्मर्ता॑ना॒मजु॑ष्टौ ।
व्य १ स्मदा काष्ठा॒ अर्व॑ते वर्घ॒नेव॑ वज्रिञ्छ्नथिह्य॒मित्रा॑न् ॥५॥

Tvam ha tyadindrarishanyan drihlasya chinmartanamajushtau
Vya 1 smada kashtha arvate varghaneva vajrinchhnathihyamitran

63.6

त्वां ह॒ त्यदि॒न्द्रार्ण॑सातौ॒ स्व॑र्मीह्ले॒ नर॑ आ॒जा ह॑वन्ते ।
तव॑ स्वधाव इ॒यमा स॑म॒र्य ऊ॒तिर्वाजे॑ष्वत॒साय्या॑ भूत् ॥६॥

Tvam ha tyadindrarnasatau svarmihle nara aja havante
Tava svadhava iyama samarya utirvajeshvatasayya bhut

63.7

त्वं ह॒ त्यदि॑न्द्र स॒प्त युध्य॒न्पु पुरो॑ वज्रिन् पुरु॒कुत्सा॑य दर्दः ।
ब॒र्हिर्न यत् सु॒दासे॒ वृथा॒ वर्गं॒हो रा॑ज॒न् वरि॑वः पू॒रवे॑ कः ॥७॥

Tvam ha tyadindra sapta yudhyanpu puro vajrin purukutsaya dardah
Barhirna yat sudase vritha varganho rajan varivah purave kah

63.8

त्वं त्यां न॑ इन्द्र देव चि॒त्रामिष॒मापो॒ न पी॑पय॒ः परि॑ज्मन् ।
यया॑ शूर॒ प्रत्य॒स्मभ्यं॒ यंसि॒ त्मन॒मूर्जं॒ न वि॒श्वध॒ क्षर॑ध्यै ॥८॥

Tvam tyam na indra deva chitramishamapo na pipayah parijman
Yaya shura pratyasmabhyam yansi tmanamurjam na vishvadha ksharadhyai

63.9

अका॑रि त इन्द्र॒ गोत॑मेभि॒र्ब्रह्मा॒ण्योक्ता॒ नम॑सा॒ हरि॑भ्याम् ।
सु॒पेश॑सं॒ वाज॒मा भ॑रा नः प्रा॒तर्म॒क्षू धि॒याव॑सुर्जगम्यात् ॥९॥

Akari ta indra gotamebhirbrahmanyokta namasa haribhyam
Supeshasam vajama bhara nah pratarmakshu dhiyavasurjagamyat