সূক্ত 49

49.1

৪ প্রস্কণ্বঃ কাণ্বঃ। উষাঃ। অনুষ্টুপ্।

উষো ভদ্রেভিরা গহি দিবশ্চিদ্ রোচনাদধি ।
বহন্ত্বরুণপ্সব উপ ত্বা সোমিনো গৃহম্ ॥১॥

49.2

সুপেশসং সুখং রথং যমধ্যস্থা উষস্ত্বম্ ।
তেনা সুশ্রবসং জনং প্রাবাদ্য দুহিতর্দিবঃ ॥২॥

49.3

বয়শ্চিৎ তে পতত্রিণো দ্বিপচ্চতুষ্পদর্জুনি ।
উষঃ প্রারন্নৃতূঁরনু দিবো অন্তেভ্যস্পরি ॥৩॥

49.4

ব্যুচ্ছন্তী হি রশ্মিভির্বিশ্বমাভাসি রোচনম্ ।
তাং ত্বামুষর্বসূয়বো গীর্ভিঃ কণ্বা অহূষত ॥৪॥