সূক্ত 38

38.1

১৫ কণ্বো ঘৌরঃ। মরুতঃ। গায়ত্রী।

কদ্ধ নূনং কধপ্রিয়ঃ পিতা পুত্রং ন হস্তয়োঃ । দধিধ্বে বৃক্তবর্হিষঃ ॥১॥

ক্ব নূনং কদ্ বো অর্থং গন্তা দিবো ন পৃথিব্যাঃ । ক্ব বো গাবো ন রণ্যন্তি ॥২॥

ক্ব বঃ সুম্না নব্যাংসি মরুতঃ ক্ব সুবিতা । ক্বো৩ বিশ্বানি সৌভগা ॥৩॥

যদ্ যূয়ং পৃশ্নিমাতরো মর্তাসঃ স্যাতন । স্তোতা বো অমৃতঃ স্যাৎ ॥৪॥

মা বো মৃগো ন যবসে জরিতা ভূদজোষ্যঃ । পথা যমস্য গাদুপ ॥৫॥

মো ষু ণঃ পরাপরা নিঋতির্দুর্হণা বধীৎ । পদীষ্ট তৃষ্ণয়া সহ ॥৬॥

সত্যং ত্বেষা অমবন্তো ধন্বঞ্চিদা রুদ্রিয়াসঃ । মিহং কৃণ্বন্ত্যবাতাম্ ॥৭॥

বাশ্রেব বিদ্যুন্মিমাতি বত্সং ন মাতা সিষক্তি । যদেষাং বৃষ্টিরসর্জি ॥৮॥

দিবা চিত্তমঃ কৃণ্বন্তি পর্জন্যেনোদবাহেন । যত্পৃথিবীং ব্যুন্দন্তি ॥৯॥

অধ স্বনান্মরুতাং বিশ্বমা সদ্ম পার্থিবম্ । অরেজন্ত প্র মানুষাঃ ॥১০॥

মরুতো বীলুপাণিভিশ্ চিত্রা রোধস্বতীরনু । যাতেমখিদ্রয়ামভিঃ ॥১১॥

স্থিরা বঃ সন্তু নেময়ো রথা অশ্বাস এষাম্ । সুসংস্কৃতা অভীশবঃ ॥১২॥

অচ্ছা বদা তনা গিরা জরায়ৈ ব্রহ্মণস্পতিম্ । অগ্নিং মিত্রং ন দর্শতম্ ॥১৩॥

মিমীহি শ্লোকমাস্যে পর্জন্য ইব ততনঃ । গায় গায়ত্রমুক্থ্যম্ ॥১৪॥

বন্দস্ব মারুতং গণং ত্বেষং পনস্যুমর্কিণম্ । অস্মে বৃদ্ধা অসন্নিহ ॥১৫॥