সূক্ত 26

26.1

১০ আজীগর্তিঃ শুনঃশেপ স কৃত্রিমো বৈশ্বামিত্রো দেবরাতঃ। অগ্নিঃ,। গায়ত্রী।

বসিষ্বা হি মিয়েধ্য বস্ত্রাণ্যূর্জাং পতে । সেমং নো অধ্বরং যজ ॥১॥

নি নো হোতা বরেণ্যঃ সদা যবিষ্ঠ মন্মভিঃ । অগ্নে দিবিত্মতা বচঃ ॥২॥

আ হি ষ্মা সূনবে পিতাপির্যজত্যাপয়ে । সখা সখ্যে বরেণ্যঃ ॥৩॥

আ নো বর্হী রিশাদসো বরুণো মিত্রো অর্যমা । সীদন্তু মনুষো যথা ॥৪॥

পূর্ব্য হোতরস্য নো মন্দস্ব সখ্যস্য চ । ইমা উ ষু শ্রুধী গিরঃ ॥৫॥

যচ্চিদ্ধি শশ্বতা তনা দেবংদেবং যজামহে । ত্বে ইদ্ধূয়তে হবিঃ ॥৬॥

প্রিয়ো নো অস্তু বিশ্পতির্হোতা মন্দ্রো বরেণ্যঃ । প্রিয়াঃ স্বগ্নয়ো বয়ম্ ॥৭॥

স্বগ্নয়ো হি বার্যং দেবাসো দধিরে চ নঃ । স্বগ্নয়ো মনামহে ॥৮॥

অথা ন উভয়েষামমৃত মর্ত্যানাম্ । মিথঃ সন্তু প্রশস্তয়ঃ ॥৯॥

বিশ্বেভিরগ্নে অগ্নিভিরিমং যজ্ঞমিদং বচঃ । চনো ধাঃ সহসো যহো ॥১০॥