সূক্ত 27

27.1

১৩ আজীগর্তিঃ শুনঃশেপ স কৃত্রিমো বৈশ্বামিত্রো দেবরাতঃ। ১-১২অগ্নিঃ, ১৩দেবাঃ ॥১॥

-১২ গায়ত্রী, ১৩ ত্রিষ্টুপ্।
অশ্বং ন ত্বা বারবন্তং বন্দধ্যা অগ্নিং নমোভিঃ । সম্রাজন্তমধ্বরাণাম্ ॥১॥

স ঘা নঃ সূনুঃ শবসা পৃথুপ্রগামা সুশেবঃ । মীঢ্বাঁ অস্মাকং বভূয়াৎ ॥২॥

স নো দূরাচ্চাসাচ্চ নি মর্ত্যাদঘায়োঃ । পাহি সদমিদ্ বিশ্বায়ুঃ ॥৩॥

ইমমূ ষু ত্বমস্মাকং সনিং গায়ত্রং নব্যাংসম্ । অগ্নে দেবেষু প্র বোচঃ ॥৪॥

আ নো ভজ পরমেষ্বা বাজেষু মধ্যমেষু । শিক্ষা বস্বো অন্তমস্য ॥৫॥

বিভক্তাসি চিত্রভানো সিন্ধোরূর্মা উপাক আ । সদ্যো দাশুষে ক্ষরসি ॥৬॥

যমগ্নে পৃত্সু মর্ত্যমবা বাজেষু যং জুনাঃ । স যন্তা শশ্বতীরিষঃ ॥৭॥

নকিরস্য সহন্ত্য পর্যেতা কয়স্য চিৎ । বাজো অস্তি শ্রবায্যঃ ॥৮॥

স বাজং বিশ্বচর্ষণিরর্বদ্ভিরস্তু তরুতা । বিপ্রেভিরস্তু সনিতা ॥৯॥

জরাবোধ তদ্ বিবিড্ঢি বিশেবিশে যজ্ঞিয়ায় । স্তোমং রুদ্রায় দৃশীকম্ ॥১০॥

স নো মহাঁ অনিমানো ধূমকেতুঃ পুরুশ্চন্দ্রঃ । ধিয়ে বাজায় হিন্বতু ॥১১॥

স রেবাঁ ইব বিশ্পতির্দৈব্যঃ কেতুঃ শৃণোতু নঃ । উক্থৈরগ্নির্বৃহদ্ভানুঃ ॥১২॥

নমো মহদ্ভ্যো নমো অর্ভকেভ্যো নমো যুবভ্যো নম আশিনেভ্যঃ ।
যজাম দেবান্যদি শক্নবাম মা জ্যায়সঃ শংসমা বৃক্ষি দেবাঃ ॥১৩॥