সূক্ত 28

28.1

৯ আজীগর্তিঃ শুনঃশেপ স কৃত্রিমো বৈশ্বামিত্রো দেবরাতঃ। ১-৪ ইন্দ্রঃ, ৫-৬ উলূ খলং, ৭-৮ উলূখল মুসলে, ৯ প্রজাপতির্হরি শ্চন্দ্রঃ, (অধিষবণ) চর্ম সোমো বা। ১-৬ অনুষ্টুপ্, ৭-৯ গায়ত্রী।

যত্র গ্রাবা পৃথুবুধ্ন ঊর্ধ্বো ভবতি সোতবে । উলূখলসুতানামবেদ্বিন্দ্র জল্গুলঃ ॥১॥

28.2

যত্র দ্বাবিব জঘনাধিষবণ্যা কৃতা । উলূখলসুতানামবেদ্বিন্দ্র জল্গুলঃ ॥২॥

28.3

যত্র নার্যপচ্যবমুপচ্যবং চ শিক্ষতে । উলূখলসুতানামবেদ্বিন্দ্র জল্গুলঃ ॥৩॥

28.4

যত্র মন্থাং বিবধ্নতে রশ্মীন্ যমিতবা ইব । উলূখলসুতানামবেদ্বিন্দ্র জল্গুলঃ ॥৪॥

28.5

যচ্চিদ্ধি ত্বং গৃহেগৃহ উলূখলক যুজ্যসে । ইহ দ্যুমত্তমং বদ জয়তামিব দুন্দুভিঃ ॥৫॥

28.6

উত স্ম তে বনস্পতে বাতো বি বাত্যগ্রমিৎ । অথো ইন্দ্রায় পাতবে সুনু সোমমুলূখল ॥৬॥

28.7

আয়জী বাজসাতমা তা হ্যু১চ্চা বিজর্ভৃতঃ । হরী ইবান্ধাংসি বপ্সতা ॥৭॥

28.8

তা নো অদ্য বনস্পতী ঋষ্বাবৃষ্বেভিঃ সোতৃভিঃ । ইন্দ্রায় মধুমত্সুতম্ ॥৮॥

28.9

উচ্ছিষ্টং চম্বোর্ভর সোমং পবিত্র আ সৃজ । নি ধেহি গোরধি ত্বচি ॥৯॥