সূক্ত 25

25.1

২১ আজীগর্তিঃ শুনঃ শেপঃ স কৃত্রিমো বৈশ্বামিত্রো দেবরাতঃ। বরুণঃ। গায়ত্রী।

যচ্চিদ্ধি তে বিশো যথা প্র দেব বরুণ ব্রতম্ । মিনীমসি দ্যবিদ্যবি ॥১॥

মা নো বধায় হত্নবে জিহীলানস্য রীরধঃ । মা হৃণানস্য মন্যবে ॥২॥

বি মৃলীকায় তে মনো রথীরশ্বং ন সংদিতম্ । গীর্ভির্বরুণ সীমহি ॥৩॥

পরা হি মে বিমন্যবঃ পতন্তি বস্যইষ্টয়ে । বয়ো ন বসতীরুপ ॥৪॥

কদা ক্ষত্রশ্রিয়ং নরমা বরুণং করামহে । মৃলীকায়োরুচক্ষসম্ ॥৫॥

তদিৎ সমানমাশাতে বেনন্তা ন প্র যুচ্ছতঃ । ধৃতব্রতায় দাশুষে ॥৬॥

বেদা যো বীনাং পদমন্তরিক্ষেণ পততাম্ । বেদ নাবঃ সমুদ্রিয়ঃ ॥৭॥

বেদ মাসো ধৃতব্রতো দ্বাদশ প্রজাবতঃ । বেদা য উপজায়তে ॥৮॥

বেদ বাতস্য বর্তনিমুরোৠষ্বস্য বৃহতঃ । বেদা যে অধ্যাসতে ॥৯॥

নি ষসাদ ধৃতব্রতো বরুণঃ পস্ত্যা৩স্বা । সাম্রাজ্যায় সুক্রতুঃ ॥১০॥

অতো বিশ্বান্যদ্ভুতা চিকিত্বাঁ অভি পশ্যতি । কৃতানি যা চ কর্ত্বা ॥১১॥

স নো বিশ্বাহা সুক্রতুরাদিত্যঃ সুপথা করৎ । প্র ণ আয়ূংষি তারিষৎ ॥১২॥

বিভ্রদ্ দ্রপিং হিরণ্যয়ং বরুণো বস্ত নির্ণিজম্ । পরি স্পশো নি ষেদিরে ॥১৩॥

ন যং দিপ্সন্তি দিপ্সবো ন দ্রুহ্বাণো জনানাম্ । ন দেবমভিমাতয়ঃ ॥১৪॥

উত যো মানুষেষ্বা যশশ্চক্রে অসাম্যা । অস্মাকমুদরেষ্বা ॥১৫॥

পরা মে যন্তি ধীতয়ো গাবো ন গব্যূতীরনু । ইচ্ছন্তীরুরুচক্ষসম্ ॥১৬॥

সং নু বোচাবহৈ পুনর্যতো মে মধ্বাভৃতম্ । হোতেব ক্ষদসে প্রিয়ম্ ॥১৭॥

দর্শং নু বিশ্বদর্শতং দর্শং রথমধি ক্ষমি । এতা জুষত মে গিরঃ ॥১৮॥

ইমং মে বরুণ শ্রুধী হবমদ্যা চ মৃলয় । ত্বামবস্যুরা চকে ॥১৯॥

ত্বং বিশ্বস্যূ মেধির দিবশ্চ গ্মশ্চ রাজসি । স যামনি প্রতি শ্রুধি ॥২০॥

উদুত্তমং মুমুগ্ধি নো বি পাশং মধ্যমং চৃত । অবাধমানি জীবসে ॥২১॥