সূক্ত 187

187.1

১১ অগস্ত্যো মৈত্রাবরুণিঃ । অন্নং। ১অনুষ্টুব্গর্ভা উষ্ণিক্, ৩, ৫-৭, ১১ অনুষ্টুপ্,১১ বৃহতী বা, ২, ৪, ৮-১০ গায়ত্রী।

পিতুং নু স্তোষং মহো ধর্মাণং তবিষীম্ । যস্য ত্রিতো ব্যোজসা বৃত্রং বিপর্বমর্দয়ৎ ॥১॥

স্বাদো পিতো মধো পিতো বয়ং ত্বা ববৃমহে । অস্মাকমবিতা ভব ॥২॥

উপ নঃ পিতবা চর শিবঃ শিবাভিরূতিভিঃ । ময়োভুরদ্বিষেণ্যঃ সখা সুশেবো অদ্বয়াঃ ॥৩॥

তব ত্যে পিতো রসা রজাংস্যনু বিষ্ঠিতাঃ । দিবি বাতা ইব শ্রিতাঃ ॥৪॥

তব ত্যে পিতো দদতস্তব স্বাদিষ্ঠ তে পিতো । প্র স্বাদ্মানো রসানাং তুবিগ্রীবা ইবেরতে ॥৫॥

ত্বে পিতো মহানাং দেবানাং মনো হিতম্ । অকারি চারু কেতুনা তবাহিমবসাবধীৎ ॥৬॥

যদদো পিতো অজগন্বিবস্ব পর্বতানাম্ । অত্রা চিন্নো মধো পিতো ঽরং ভক্ষায় গম্যাঃ ॥৭॥

যদপামোষধীনাং পরিংশমারিশামহে । বাতাপে পীব ইদ্ ভব ॥৮॥

যৎ তে সোম গবাশিরো যবাশিরো ভজামহে । বাতাপে পীব ইদ্ ভব ॥৯॥

করম্ভ ওষধে ভব পীবো বৃক্ক উদারথিঃ । বাতাপে পীব ইদ্ ভব ॥১০॥

তং ত্বা বয়ং পিতো বচোভির্গাবো ন হব্যা সুষূদিম ।
দেবেভ্যস্ত্বা সধমাদমস্মভ্যং ত্বা সধমাদম্ ॥১১॥