সূক্ত 186

186.1

১১ অগস্ত্যো মৈত্রাবরুণিঃ । বিশ্বে দেবাঃ। ত্রিষ্টুপ্।

আ ন ইলাভির্বিদথে সুশস্তি বিশ্বানরঃ সবিতা দেব এতু ।
অপি যথা যুবানো মত্সথা নো বিশ্বং জগদভিপিত্বে মনীষা ॥১॥

আ নো বিশ্ব আস্ক্রা গমন্তু দেবা মিত্রো অর্যমা বরুণঃ সজোষাঃ ।
ভুবন্ যথা নো বিশ্বে বৃধাসঃ করন্ত্সুষাহা বিথুরং ন শবঃ ॥২॥

প্রেষ্ঠং বো অতিথিং গৃণীষে ঽগ্নিং শস্তিভিস্তুর্বণিঃ সজোষাঃ ।
অসদ্ যথা নো বরুণঃ সুকীর্তিরিষশ্চ পর্ষদরিগূর্তঃ সূরিঃ ॥৩॥

উপ ব এষে নমসা জিগীষোষাসানক্তা সুদুঘেব ধেনুঃ ।
সমানে অহন্ বিমিমানো অর্কং বিষুরূপে পয়সি সস্মিন্নূধন্ ॥৪॥

উত নো ঽহির্বুধ্ন্যো৩ ময়স্কঃ শিশুং ন পিপ্যুষীব বেতি সিন্ধুঃ ।
যেন নপাতমপাং জুনাম মনোজুবো বৃষণো যং বহন্তি ॥৫॥

উত ন ঈং ত্বষ্টা গন্ত্বচ্ছা স্মৎ সূরিভিরভিপিত্বে সজোষাঃ ।
আ বৃত্রহেন্দ্রশ্চর্ষণিপ্রাস্তুবিষ্টমো নরাং ন ইহ গম্যাঃ ॥৬॥

উত ন ঈং মতয়োঽশ্বয়োগাঃ শিশুং ন গাবস্তরুণং রিহন্তি ।
তমীং গিরো জনয়ো ন পত্নীঃ সুরভিষ্টমং নরাং নসন্ত ॥৭॥

উত ন ঈং মরুতো বৃদ্ধসেনাঃ স্মদ্ রোদসী সমনসঃ সদন্তু ।
পৃষদশ্বাসোঽবনয়ো ন রথা রিশাদসো মিত্রয়ুজো ন দেবাঃ ॥৮॥

প্র নু যদেষাং মহিনা চিকিত্রে প্র যুঞ্জতে প্রয়ুজস্তে সুবৃক্তি ।
অধ যদেষাং সুদিনে ন শরুর্বিশ্বমেরিণং প্রুষায়ন্ত সেনাঃ ॥৯॥

প্রো অশ্বিনাববসে কৃণুধ্বং প্র পূষণং স্বতবসো হি সন্তি ।
অদ্বেষো বিষ্ণুর্বাত ঋভুক্ষা অচ্ছা সুম্নায় ববৃতীয় দেবান্ ॥১০॥

ইয়ং সা বো অস্মে দীধিতির্যজত্রা অপিপ্রাণী চ সদনী চ ভূয়াঃ ।
নি যা দেবেষু যততে বসূয়ুর্বিদ্যামেষং বৃজনং জীরদানুম্ ॥১১॥