Sukta 187

187.1

11 agastyo maitravarunih, annam, 1anushtubgarbha ushnik, 3, 5-7, 11 anushtup, 11 brihati va, 2, 4, 8-10 gayatri

पि॒तुं नु स्तो॑षं म॒हो ध॒र्माणं॒ तवि॑षीम् । यस्य॑ त्रि॒तो व्योज॑सा वृ॒त्रं विप॑र्वम॒र्दय॑त् ॥१॥

Pitum nu stosham maho dharmanam tavishim, yasya trito vyojasa vritram viparvamardayat

स्वादो॑ पितो॒ मधो॑ पितो व॒यं त्वा॑ ववृमहे । अ॒स्माक॑मवि॒ता भ॑व ॥२॥

Svado pito madho pito vayam tva vavrimahe, asmakamavita bhava

उप॑ नः पित॒वा च॑र शि॒वः शि॒वाभि॑रू॒तिभि॑ः । म॒यो॒भुर॑द्विषे॒ण्यः सखा॑ सु॒शेवो॒ अद्व॑याः ॥३॥

Upa nah pitava chara shivah shivabhirutibhih, mayobhuradvishenyah sakha sushevo advayah

तव॒ त्ये पि॑तो॒ रसा॒ रजां॒स्यनु॒ विष्ठि॑ताः । दि॒वि वाता॑ इव श्रि॒ताः ॥४॥

Tava tye pito rasa rajansyanu vishthitah, divi vata iva shritah

तव॒ त्ये पि॑तो॒ दद॑त॒स्तव॑ स्वादिष्ठ॒ ते पि॑तो । प्र स्वा॒द्मानो॒ रसा॑नां तुवि॒ग्रीवा॑ इवेरते ॥५॥

Tava tye pito dadatastava svadishtha te pito, pra svadmano rasanam tuvigriva iverate

त्वे पि॑तो म॒हानां॑ दे॒वानां॒ मनो॑ हि॒तम् । अका॑रि॒ चारु॑ के॒तुना॒ तवाहि॒मव॑सावधीत् ॥६॥

Tve pito mahanam devanam mano hitam, akari charu ketuna tavahimavasavadhit

यद॒दो पि॑तो॒ अज॑गन्वि॒वस्व॒ पर्व॑तानाम् । अत्रा॑ चिन्नो मधो पि॒तो ऽरं॑ भ॒क्षाय॑ गम्याः ॥७॥

Yadado pito ajaganvivasva parvatanam, atra chinno madho pito ram bhakshaya gamyah

यद॒पामोष॑धीनां परिं॒शमा॑रि॒शाम॑हे । वाता॑पे॒ पीव॒ इद् भ॑व ॥८॥

Yadapamoshadhinam parinshamarishamahe, vatape piva id bhava

यत् ते॑ सोम॒ गवा॑शिरो॒ यवा॑शिरो॒ भजा॑महे । वाता॑पे॒ पीव॒ इद् भ॑व ॥९॥

Yat te soma gavashiro yavashiro bhajamahe, vatape piva id bhava

क॒र॒म्भ ओ॑षधे भव॒ पीवो॑ वृ॒क्क उ॑दार॒थिः । वाता॑पे॒ पीव॒ इद् भ॑व ॥१०॥

Karambha oshadhe bhava pivo vrikka udarathih, vatape piva id bhava

तं त्वा॑ व॒यं पि॑तो॒ वचो॑भि॒र्गावो॒ न ह॒व्या सु॑षूदिम ।
दे॒वेभ्य॑स्त्वा सध॒माद॑म॒स्मभ्यं॑ त्वा सध॒माद॑म् ॥११॥

Tam tva vayam pito vachobhirgavo na havya sushudima
Devebhyastva sadhamadamasmabhyam tva sadhamadam