সূক্ত 183

183.1

৬ অগস্ত্যো মৈত্রাবরুণিঃ । অশ্বিনৌ। ত্রিষ্টুপ্।

তং যুঞ্জাথাং মনসো যো জবীয়ান্ ত্রিবন্ধুরো বৃষণা যস্ত্রিচক্রঃ ।
যেনোপয়াথঃ সুকৃতো দুরোণং ত্রিধাতুনা পতথো বির্ন পর্ণৈঃ ॥১॥

183.2

সুবৃদ্ রথো বর্ততে যন্নভি ক্ষাং যৎ তিষ্ঠথঃ ক্রতুমন্তানু পৃক্ষে ।
বপুর্বপুষ্যা সচতামিয়ং গীর্দিবো দুহিত্রোষসা সচেথে ॥২॥

183.3

আ তিষ্ঠতং সুবৃতং যো রথো বামনু ব্রতানি বর্ততে হবিষ্মান্ ।
যেন নরা নাসত্যেষয়ধ্যৈ বর্তির্যাথস্তনয়ায় ত্মনে চ ॥৩॥

183.4

মা বাং বৃকো মা বৃকীরা দধর্ষীন্মা পরি বর্ক্তমুত মাতি ধক্তম্ ।
অয়ং বাং ভাগো নিহিত ইয়ং গীর্দস্রাবিমে বাং নিধয়ো মধূনাম্ ॥৪॥

183.5

যুবাং গোতমঃ পুরুমীলহো অত্রির্দস্রা হবতেঽবসে হবিষ্মান্ ।
দিশং ন দিষ্টামৃজূয়েব যন্তা মে হবং নাসত্যোপ যাতম্ ॥৫॥

183.6

অতারিষ্ম তমসস্পারমস্য প্রতি বাং স্তোমো অশ্বিনাবধায়ি ।
এহ যাতং পথিভির্দেবয়ানৈর্বিদ্যামেষং বৃজনং জীরদানুম্ ॥৬॥