সূক্ত 182

182.1

৮ অগস্ত্যো মৈত্রাবরুণিঃ । অশ্বিনৌ। জগতী, ৬-৮ ত্রিষ্টুপ্।

অভূদিদং বয়ুনমো ষু ভূষতা রথো বৃষণ্বান্ মদতা মনীষিণঃ ।
ধিয়ংজিন্বা ধিষ্ণ্যা বিশ্পলাবসূ দিবো নপাতা সুকৃতে শুচিব্রতা ॥১॥

182.2

ইন্দ্রতমা হি ধিষ্ণ্যা মরুত্তমা দস্রা দংসিষ্ঠা রথ্যা রথীতমা ।
পূর্ণং রথং বহেথে মধ্ব আচিতং তেন দাশ্বাংসমুপ যাথো অশ্বিনা ॥২॥

182.3

কিমত্র দস্রা কৃণুথঃ কিমাসাথে জনো যঃ কশ্চিদহবির্মহীয়তে ।
অতি ক্রমিষ্টং জুরতং পণেরসুং জ্যোতির্বিপ্রায় কৃণুতং বচস্যবে ॥৩॥

182.4

জম্ভয়তমভিতো রায়তঃ শুনো হতং মৃধো বিদথুস্তান্যশ্বিনা ।
বাচংবাচং জরিতূ রত্নিনীং কৃতমুভা শংসং নাসত্যাবতং মম ॥৪॥

182.5

যুবমেতং চক্রথুঃ সিন্ধুষু প্লবমাত্মন্বন্তং পক্ষিণং তৌগ্র্যায় কম্ ।
যেন দেবত্রা মনসা নিরূহথুঃ সুপপ্তনী পেতথুঃ ক্ষোদসো মহঃ ॥৫॥

182.6

অববিদ্ধং তৌগ্র্যমপ্স্ব১ন্তরনারম্ভণে তমসি প্রবিদ্ধম্ ।
চতস্রো নাবো জঠলস্য জুষ্টা উদশ্বিভ্যামিষিতাঃ পারয়ন্তি ॥৬॥

182.7

কঃ স্বিদ্ বৃক্ষো নিষ্ঠিতো মধ্যে অর্ণসো যং তৌগ্র্যো নাধিতঃ পর্যষস্বজৎ ।
পর্ণা মৃগস্য পতরোরিবারভ উদশ্বিনা ঊহথুঃ শ্রোমতায় কম্ ॥৭॥

182.8

তদ্ বাং নরা নাসত্যাবনু ষ্যাদ্ যদ্ বাং মানাস উচথমবোচন্ ।
অস্মাদদ্য সদসঃ সোম্যাদা বিদ্যামেষং বৃজনং জীরদানুম্ ॥৮॥