সূক্ত 179

179.1

(৬) ১-২ লোপামুদ্রা, ৩-৪ অগস্ত্যো মৈত্রাবরুণিঃ, ৫-৬ অগস্ত্যশিষ্যো ব্রহ্মচারী। রতিঃ। ত্রিষ্টুপ্, ৫ বৃহতী।

পূর্বীরহং শরদঃ শশ্রমাণা দোষা বস্তোরুষসো জরয়ন্তীঃ ।
মিনাতি শ্রিয়ং জরিমা তনূনামপ্যূ নু পত্নীর্বৃষণো জগম্যুঃ ॥১॥

179.2

যে চিদ্ধি পূর্ব ঋতসাপ আসন্ ত্সাকং দেবেভিরবদন্নৃতানি ।
তে চিদবাসুর্নহ্যন্তমাপুঃ সমূ নু পত্নীর্বৃষভির্জগম্যুঃ ॥২॥

179.3

ন মৃষা শ্রান্তং যদবন্তি দেবা বিশ্বা ইৎ স্পৃধো অভ্যশ্নবাব ।
জয়াবেদত্র শতনীথমাজিং যৎ সম্যঞ্চা মিথুনাবভ্যজাব ॥৩॥

179.4

নদস্য মা রুধতঃ কাম আগন্নিত আজাতো অমুতঃ কুতশ্চিৎ ।
লোপামুদ্রা বৃষণং নী রিণাতি ধীরমধীরা ধয়তি শ্বসন্তম্ ॥৪॥

179.5

ইমং নু সোমমন্তিতো হৃত্সু পীতমুপ ব্রুবে ।
যৎ সীমাগশ্চকৃমা তৎ সু মৃলতু পুলুকামো হি মর্ত্যঃ ॥৫॥

179.6

অগস্ত্যঃ খনমানঃ খনিত্রৈঃ প্রজামপত্যং বলমিচ্ছমানঃ ।
উভৌ বর্ণাবৃষিরুগ্রঃ পুপোষ সত্যা দেবেষ্বাশিষো জগাম ॥৬॥