সূক্ত 178

178.1

৫ অগস্ত্যো মৈত্রাবরুণিঃ । ইন্দ্রঃ। ত্রিষ্টুপ্।

যদ্ধ স্যা ত ইন্দ্র শ্রুষ্টিরস্তি যয়া বভূথ জরিতৃভ্য ঊতী ।
মা নঃ কামং মহয়ন্তমা ধগ্বিশ্বা তে অশ্যাং পর্যাপ আয়োঃ ॥১॥

178.2

ন ঘা রাজেন্দ্র আ দভন্নো যা নু স্বসারা কৃণবন্ত যোনৌ ।
আপশ্চিদস্মৈ সুতুকা অবেষন্ গমন্ন ইন্দ্রঃ সখ্যা বয়শ্চ ॥২॥

178.3

জেতা নৃভিরিন্দ্রঃ পৃত্সু শূরঃ শ্রোতা হবং নাধমানস্য কারোঃ ।
প্রভর্তা রথং দাশুষ উপাক উদ্যন্তা গিরো যদি চ ত্মনা ভূৎ ॥৩॥

178.4

এবা নৃভিরিন্দ্রঃ সুশ্রবস্যা প্রখাদঃ পৃক্ষো অভি মিত্রিণো ভূৎ ।
সমর্য ইষঃ স্তবতে বিবাচি সত্রাকরো যজমানস্য শংসঃ ॥৪॥

178.5

ত্বয়া বয়ং মঘবন্নিন্দ্র শত্রূনভি ষ্যাম মহতো মন্যমানান্ ।
ত্বং ত্রাতা ত্বমু নো বৃধে ভূর্বিদ্যামেষং বৃজনং জীরদানুম্ ॥৫॥