সূক্ত 17

17.1

৯ মেধাতিথিঃ কাণ্বঃ। ইন্দ্রাবরুণৌ। গায়ত্রী, ৪-৫ পাদনিচৃৎ (৫ হ্রসীয়সী বা) গায়ত্রী।

ইন্দ্রাবরুণয়োরহং সম্রাজোরব আ বৃণে । তা নো মৃলাত ঈদৃশে ॥১॥

গন্তারা হি স্থোঽবসে হবং বিপ্রস্য মাবতঃ । ধর্তারা চর্ষণীনাম্ ॥২॥

অনুকামং তর্পয়েথামিন্দ্রাবরুণ রায় আ । তা বাং নেদিষ্ঠমীমহে ॥৩॥

যুবাকু হি শচীনাং যুবাকু সুমতীনাম্ । ভূয়াম বাজদাব্নাম্ ॥৪॥

ইন্দ্রঃ সহস্রদাব্নাং বরুণঃ শংস্যানাম্ । ক্রতুর্ভবত্যুক্থ্যঃ ॥৫॥

তয়োরিদবসা বয়ং সনেম নি চ ধীমহি । স্যাদুত প্ররেচনম্ ॥৬॥

ইন্দ্রাবরুণ বামহং হুবে চিত্রায় রাধসে । অস্মান্ত্সু জিগ্যুষস্কৃতম্ ॥৭॥

ইন্দ্রাবরুণ নূ নু বাং সিষাসন্তীষু ধীষ্বা । অস্মভ্যং শর্ম যচ্ছতম্ ॥৮॥

প্র বামশ্নোতু সুষ্টুতিরিন্দ্রাবরুণ যাং হুবে । যামৃধাথে সধস্তুতিম্ ॥৯॥