সূক্ত 18

18.1

৯ মেধাতিথিঃকাণ্বঃ। ১-৩ ব্রহ্মণস্পতিঃ, ৪ ইন্দ্রো ব্রহ্মণস্পতিঃ সোমশ্চ, ৫ ব্রহ্মণস্পতিঃ সোম ইংদ্রো, দক্ষিণা চ, ৬-৮ সদসস্পতিঃ, ৯ সদসস্পতির্নরাশংসো বা। গায়ত্রী।

সোমানং স্বরণং কৃণুহি ব্রহ্মণস্পতে । কক্ষীবন্তং য ঔশিজঃ ॥১॥

18.2

যো রেবান্ যো অমীবহা বসুবিৎ পুষ্টিবর্ধনঃ । স নঃ সিষক্তু যস্তুরঃ ॥২॥

18.3

মা নঃ শংসো অররুষো ধূর্তিঃ প্রণঙ্ মর্ত্যস্য । রক্ষা ণো ব্রহ্মণস্পতে ॥৩॥

18.4

স ঘা বীরো ন রিষ্যতি যমিন্দ্রো ব্রহ্মণস্পতিঃ । সোমো হিনোতি মর্ত্যম্ ॥৪॥

18.5

ত্বং তং ব্রহ্মণস্পতে সোম ইন্দ্রশ্চ মর্ত্যম্ । দক্ষিণা পাত্বংহসঃ ॥৫॥

18.6

সদসস্পতিমদ্ভুতং প্রিয়মিন্দ্রস্য কাম্যম্ । সনিং মেধাময়াসিষম্ ॥৬॥

18.7

যস্মাদৃতে ন সিধ্যতি যজ্ঞো বিপশ্চিতশ্চন । স ধীনাং যোগমিন্বতি ॥৭॥

18.8

আদৃধ্নোতি হবিষ্কৃতিং প্রাঞ্চং কৃণোত্যধ্বরম্ । হোত্রা দেবেষু গচ্ছতি ॥৮॥

18.9

নরাশংসং সুধৃষ্টমমপশ্যং সপ্রথস্তমম্ । দিবো ন সদ্মমখসম্ ॥৯॥