সূক্ত 19

19.1

৯ মেধাতিথিঃকাণ্বঃ। অগ্নির্মরুতশ্চ।গায়ত্রী।

প্রতি ত্যং চারুমধ্বরং গোপীথায় প্র হূয়সে । মরুদ্ভিরগ্ন আ গহি ॥১॥

19.2

নহি দেবো ন মর্ত্যো মহস্তব ক্রতুং পরঃ । মরুদ্ভিরগ্ন আ গহি ॥২॥

19.3

যে মহো রজসো বিদুর্বিশ্বে দেবাসো অদ্রুহঃ । মরুদ্ভিরগ্ন আ গহি ॥৩॥

19.4

য উগ্রা অর্কমানৃচুরনাধৃষ্টাস ওজসা । মরুদ্ভিরগ্ন আ গহি ॥৪॥

19.5

যে শুভ্রা ঘোরবর্পসঃ সুক্ষত্রাসো রিশাদসঃ । মরুদ্ভিরগ্ন আ গহি ॥৫॥

19.6

যে নাকস্যাধি রোচনে দিবি দেবাস আসতে । মরুদ্ভিরগ্ন আ গহি ॥৬॥

19.7

য ঈঙ্খয়ন্তি পর্বতান্ তিরঃ সমুদ্রমর্ণবম্ । মরুদ্ভিরগ্ন আ গহি ॥৭॥

19.8

আ যে তন্বন্তি রশ্মিভিস্ তিরঃ সমুদ্রমোজসা । মরুদ্ভিরগ্ন আ গহি ॥৮॥

19.9

অভি ত্বা পূর্বপীতয়ে সৃজামি সোম্যং মধু । মরুদ্ভিরগ্ন আ গহি ॥৯॥