সূক্ত 20

20.1

৮ মেধাতিথিঃ কাণ্বঃ। ঋভবঃ।গায়ত্রী।

অয়ং দেবায় জন্মনে স্তোমো বিপ্রেভিরাসয়া । অকারি রত্নধাতমঃ ॥১॥

য ইন্দ্রায় বচোয়ুজা ততক্ষুর্মনসা হরী । শমীভির্যজ্ঞমাশত ॥২॥

তক্ষন্ নাসত্যাভ্যাং পরিজ্মানং সুখং রথম্ । তক্ষন্ ধেনুং সবর্দুঘাম্ ॥৩॥

যুবানা পিতরা পুনঃ সত্যমন্ত্রা ঋজূয়বঃ । ঋভবো বিষ্ট্যক্রত ॥৪॥

সং বো মদাসো অগ্মতেন্দ্রেণ চ মরুত্বতা । আদিত্যেভিশ্চ রাজভিঃ ॥৫॥

উত ত্যং চমসং নবং ত্বষ্টুর্দেবস্য নিষ্কৃতম্ । অকর্ত চতুরঃ পুনঃ ॥৬॥

তে নো রত্নানি ধত্তন ত্রিরা সাপ্তানি সুন্বতে । একমেকং সুশস্তিভিঃ ॥৭॥

অধারয়ন্ত বহ্নয়ো ঽভজন্ত সুকৃত্যয়া । ভাগং দেবেষু যজ্ঞিয়ম্ ॥৮॥