সূক্ত 21

21.1

৬ মেধাতিথিঃ কাণ্বঃ। ইন্দ্রাগ্নী। গায়ত্রী।

ইহেন্দ্রাগ্নী উপ হ্বয়ে তয়োরিৎ স্তোমমুশ্মসি । তা সোমং সোমপাতমা ॥১॥

21.2

তা যজ্ঞেষু প্র শংসতেন্দ্রাগ্নী শুম্ভতা নরঃ । তা গায়ত্রেষু গায়ত ॥২॥

21.3

তা মিত্রস্য প্রশস্তয় ইন্দ্রাগ্নী তা হবামহে । সোমপা সোমপীতয়ে ॥৩॥

21.4

উগ্রা সন্তা হবামহ উপেদং সবনং সুতম্ । ইন্দ্রাগ্নী এহ গচ্ছতাম্ ॥৪॥

21.5

তা মহান্তা সদস্পতী ইন্দ্রাগ্নী রক্ষ উব্জতম্ । অপ্রজাঃ সন্ত্বত্রিণঃ ॥৫॥

21.6

তেন সত্যেন জাগৃতমধি প্রচেতুনে পদে । ইন্দ্রাগ্নী শর্ম যচ্ছতম্ ॥৬॥