সূক্ত 167

167.1

১১ অগস্ত্যো মৈত্রাবরুণিঃ । ১ ইন্দ্রঃ, ২-১১মরুতঃ। ত্রিষ্টুপ্, (১০পুরস্তাজ্জ্যোতিঃ।)

সহস্রং ত ইন্দ্রোতয়ো নঃ সহস্রমিষো হরিবো গূর্ততমাঃ ।
সহস্রং রায়ো মাদয়ধ্যৈ সহস্রিণ উপ নো যন্তু বাজাঃ ॥১॥

আ নোঽবোভির্মরুতো যান্ত্বচ্ছা জ্যেষ্ঠেভির্বা বৃহদ্ দিবৈঃ সুমায়াঃ ।
অধ যদেষাং নিয়ুতঃ পরমাঃ সমুদ্রস্য চিদ্ ধনয়ন্ত পারে ॥২॥

মিম্যক্ষ যেষু সুধিতা ঘৃতাচী হিরণ্যনির্ণিগুপরা ন ঋষ্টিঃ ।
গুহা চরন্তী মনুষো ন যোষা সভাবতী বিদথ্যেব সং বাক্ ॥৩॥

পরা শুভ্রা অয়াসো যব্যা সাধারণ্যেব মরুতো মিমিক্ষুঃ ।
ন রোদসী অপ নুদন্ত ঘোরা জুষন্ত বৃধং সখ্যায় দেবাঃ ॥৪॥

জোষদ্ যদীমসুর্যা সচধ্যৈ বিষিতস্তুকা রোদসী নৃমণাঃ ।
আ সূর্যেব বিধতো রথং গাৎ ত্বেষপ্রতীকা নভসো নেত্যা ॥৫॥

আস্থাপয়ন্ত যুবতিং যুবানঃ শুভে নিমিশ্লাং বিদথেষু পজ্রাম্ ।
অর্কো যদ্ বো মরুতো হবিষ্মান্ গায়দ্ গাথং সুতসোমো দুবস্যন্ ॥৬॥

প্র তং বিবক্মি বক্ম্যো য এষাং মরুতাং মহিমা সত্যো অস্তি ।
সচা যদীং বৃষমণা অহংয়ুঃ স্থিরা চিজ্জনীর্বহতে সুভাগাঃ ॥৭॥

পান্তি মিত্রাবরুণাববদ্যাচ্চয়ত ঈমর্যমো অপ্রশস্তান্ ।
উত চ্যবন্তে অচ্যুতা ধ্রুবাণি বাবৃধ ঈং মরুতো দাতিবারঃ ॥৮॥

নহী নু বো মরুতো অন্ত্যস্মে আরাত্তাচ্চিচ্ছবসো অন্তমাপুঃ ।
তে ধৃষ্ণুনা শবসা শূশুবাংসো ঽর্ণো ন দ্বেষো ধৃষতা পরি ষ্ঠুঃ ॥৯॥

বয়মদ্যেন্দ্রস্য প্রেষ্ঠা বয়ং শ্বো বোচেমহি সমর্যে ।
বয়ং পুরা মহি চ নো অনু দ্যূন্ তন্ন ঋভুক্ষা নরামনু ষ্যাৎ ॥১০॥

এষ বঃ স্তোমো মরুত ইয়ং গীর্মান্দার্যস্য মান্যস্য কারোঃ ।
এষা যাসীষ্ট তন্বে বয়াং বিদ্যামেষং বৃজনং জীরদানুম্ ॥১১॥