সূক্ত 147

147.1

৫ দীর্ঘতমা ঔচথ্যঃ। অগ্নিঃ। ত্রিষ্টুপ্।

কথা তে অগ্নে শুচয়ন্ত আয়োর্দদাশুর্বাজেভিরাশুষাণাঃ ।
উভে যৎ তোকে তনয়ে দধানা ঋতস্য সামন্ রণয়ন্ত দেবাঃ ॥১॥

বোধা মে অস্য বচসো যবিষ্ঠ মংহিষ্ঠস্য প্রভৃতস্য স্বধাবঃ ।
পীয়তি ত্বো অনু ত্বো গৃণাতি বন্দারুস্তে তন্বং বন্দে অগ্নে ॥২॥

যে পায়বো মামতেয়ং তে অগ্নে পশ্যন্তো অন্ধং দুরিতাদরক্ষন্ ।
ররক্ষ তান্ ত্সুকৃতো বিশ্ববেদা দিপ্সন্ত ইদ্ রিপবো নাহ দেভুঃ ॥৩॥

যো নো অগ্নে অররিবাঁ অঘায়ুররাতীবা মর্চয়তি দ্বয়েন ।
মন্ত্রো গুরুঃ পুনরস্তু সো অস্মা অনু মৃক্ষীষ্ট তন্বং দুরুক্তৈঃ ॥৪॥

উত বা যঃ সহস্য প্রবিদ্বান্ মর্তো মর্তং মর্চয়তি দ্বয়েন ।
অতঃ পাহি স্তবমান স্তুবন্তমগ্নে মাকির্নো দুরিতায় ধায়ীঃ ॥৫॥