সূক্ত 146

146.1

৫ দীর্ঘতমা ঔচথ্যঃ। অগ্নিঃ। ত্রিষ্টুপ্।

ত্রিমূর্ধানং সপ্তরশ্মিং গৃণীষে ঽনূনমগ্নিং পিত্রোরুপস্থে ।
নিষত্তমস্য চরতো ধ্রুবস্য বিশ্বা দিবো রোচনাপপ্রিবাংসম্ ॥১॥

146.2

উক্ষা মহাঁ অভি ববক্ষ এনে অজরস্তস্থাবিতঊতির্ঋষ্বঃ ।
উর্ব্যাঃ পদো নি দধাতি সানৌ রিহন্ত্যূধো অরুষাসো অস্য ॥২॥

146.3

সমানং বত্সমভি সংচরন্তী বিষ্বগ্ধেনূ বি চরতঃ সুমেকে ।
অনপবৃজ্যাঁ অধ্বনো মিমানে বিশ্বান্ কেতাঁ অধি মহো দধানে ॥৩॥

146.4

ধীরাসঃ পদং কবয়ো নয়ন্তি নানা হৃদা রক্ষমাণা অজুর্যম্ ।
সিষাসন্তঃ পর্যপশ্যন্ত সিন্ধুমাবিরেভ্যো অভবৎ সূর্যো নৄন্ ॥৪॥

146.5

দিদৃক্ষেণ্যঃ পরি কাষ্ঠাসু জেন্য ঈলেন্যো মহো অর্ভায় জীবসে ।
পুরুত্রা যদভবৎ সূরহৈভ্যো গর্ভেভ্যো মঘবা বিশ্বদর্শতঃ ॥৫॥