সূক্ত 145

145.1

৫ দীর্ঘতমা ঔচথ্যঃ। অগ্নিঃ। জগতী, ৫ ত্রিষ্টুপ্ ।

তং পৃচ্ছতা স জগামা স বেদ স চিকিত্বাঁ ঈয়তে সা ন্বীয়তে ।
তস্মিন্ ত্সন্তি প্রশিষস্তস্মিন্নিষ্টয়ঃ স বাজস্য শবসঃ শুষ্মিণস্পতিঃ ॥১॥

145.2

তমিৎ পৃচ্ছন্তি ন সিমো বি পৃচ্ছতি স্বেনেব ধীরো মনসা যদগ্রভীৎ ।
ন মৃষ্যতে প্রথমং নাপরং বচো ঽস্য ক্রত্বা সচতে অপ্রদৃপিতঃ ॥২॥

145.3

তমিদ্ গচ্ছন্তি জুহ্ব ১স্তমর্বতীর্বিশ্বান্যেকঃ শৃণবদ্ বচাংসি মে ।
পুরুপ্রৈষস্ততুরির্যজ্ঞসাধনো ঽচ্ছিদ্রোতিঃ শিশুরাদত্ত সং রভঃ ॥৩॥

145.4

উপস্থায়ং চরতি যৎ সমারত সদ্যো জাতস্তত্সার যুজ্যেভিঃ ।
অভি শ্বান্তং মৃশতে নান্দ্যে মুদে যদীং গচ্ছন্ত্যুশতীরপিষ্ঠিতম্ ॥৪॥

145.5

স ঈং মৃগো অপ্যো বনর্গুরুপ ত্বচ্যুপমস্যাং নি ধায়ি ।
ব্যব্রবীদ্ বয়ুনা মর্ত্যেভ্যো ঽগ্নির্বিদ্বাঁ ঋতচিদ্ধি সত্যঃ ॥৫॥