সূক্ত 144

144.1

৭ দীর্ঘতমা ঔচথ্যঃ। অগ্নিঃ। জগতী।

এতি প্র হোতা ব্রতমস্য মায়য়োর্ধ্বাং দধানঃ শুচিপেশসং ধিয়ম্ ।
অভি স্রুচঃ ক্রমতে দক্ষিণাবৃতো যা অস্য ধাম প্রথমং হ নিংসতে ॥১॥

144.2

অভীমৃতস্য দোহনা অনূষত যোনৌ দেবস্য সদনে পরীবৃতাঃ ।
অপামুপস্থে বিভৃতো যদাবসদধ স্বধা অধয়দ্ যাভিরীয়তে ॥২॥

144.3

যুয়ূষতঃ সবয়সা তদিদ্ বপুঃ সমানমর্থং বিতরিত্রতা মিথঃ ।
আদীং ভগো ন হব্যঃ সমস্মদা বোহ্লুর্ন রশ্মীন্ ত্সময়ংস্ত সারথিঃ ॥৩॥

144.4

যমীং দ্বা সবয়সা সপর্যতঃ সমানে যোনা মিথুনা সমোকসা ।
দিবা ন নক্তং পলিতো যুবাজনি পুরূ চরন্নজরো মানুষা যুগা ॥৪॥

144.5

তমীং হিন্বন্তি ধীতয়ো দশ ব্রিশো দেবং মর্তাস ঊতয়ে হবামহে ।
ধনোরধি প্রবত আ স ঋণ্বত্যভিব্রজদ্ভির্বয়ুনা নবাধিত ॥৫॥

144.6

ত্বং হ্যগ্নে দিব্যস্য রাজসি ত্বং পার্থিবস্য পশুপা ইব ত্মনা ।
এনী ত এতে বৃহতী অভিশ্রিয়া হিরণ্যয়ী বক্বরী বর্হিরাশাতে ॥৬॥

144.7

অগ্নে জুষস্ব প্রতি হর্য তদ্ বচো মন্দ্র স্বধাব ঋতজাত সুক্রতো ।
যো বিশ্বতঃ প্রত্যঙ্ঙসি দর্শতো রণ্বঃ সংদৃষ্টৌ পিতুমাঁ ইব ক্ষয়ঃ ॥৭॥