সূক্ত 148

148.1

৫ দীর্ঘতমা ঔচথ্যঃ। অগ্নিঃ। ত্রিষ্টুপ্।

মথীদ্ যদীং বিষ্টো মাতরিশ্বা হোতারং বিশ্বাপ্সুং বিশ্বদেব্যম্ ।
নি যং দধুর্মনুষ্যাসু বিক্ষু স্ব ১ র্ণ চিত্রং বপুষে বিভাবম্ ॥১॥

148.2

দদানমিন্ন দদভন্ত মন্মাগ্নির্বরূথং মম তস্য চাকন্ ।
জুষন্ত বিশ্বান্যস্য কর্মোপস্তুতিং ভরমাণস্য কারোঃ ॥২॥

148.3

নিত্যে চিন্নু যং সদনে জগৃভ্রে প্রশস্তিভির্দধিরে যজ্ঞিয়াসঃ ।
প্র সূ নয়ন্ত গৃভয়ন্ত ইষ্টাবশ্বাসো ন রথ্যো রারহাণাঃ ॥৩॥

148.4

পুরূণি দস্মো নি রিণাতি জম্ভৈরাদ্ রোচতে বন আ বিভাবা ।
আদস্য বাতো অনু বাতি শোচিরস্তুর্ন শর্যামসনামনু দ্যূন্ ॥৪॥

148.5

ন যং রিপবো ন রিষণ্যবো গর্ভে সন্তং রেষণা রেষয়ন্তি ।
অন্ধা অপশ্যা ন দভন্নভিখ্যা নিত্যাস ঈং প্রেতারো অরক্ষন্ ॥৫॥