সূক্ত 137

137.1

৩ পরুচ্ছেপো দৈবোদাসিঃ। মিত্রাবরুণৌ।অতিশক্বরী।

সুষুমা যাতমদ্রিভির্গোশ্রীতা মত্সরা ইমে সোমাসো মত্সরা ইমে ।
আ রাজানা দিবিস্পৃশা ঽস্মত্রা গন্তমুপ নঃ ।
ইমে বাং মিত্রাবরুণা গবাশিরঃ সোমাঃ শুক্রা গবাশিরঃ ॥১॥

137.2

ইম আ যাতমিন্দবঃ সোমাসো দধ্যাশিরঃ সুতাসো দধ্যাশিরঃ ।
উত বামুষসো বুধি সাকং সূর্যস্য রশ্মিভিঃ ।
সুতো মিত্রায় বরুণায় পীতয়ে চারুর্ঋতায় পীতয়ে ॥২॥

137.3

তাং বাং ধেনুং ন বাসরীমংশুং দুহন্ত্যদ্রিভিঃ সোমং দুহন্ত্যদ্রিভিঃ ।
অস্মত্রা গন্তমুপ নোঽর্বাঞ্চা সোমপীতয়ে ।
অয়ং বাং মিত্রাবরুণা নৃভিঃ সুতঃ সোম আ পীতয়ে সুতঃ ॥৩॥