সূক্ত 138

138.1

৪ পরুচ্ছেপো দৈবোদাসিঃ। পূষা। অত্যষ্টিঃ।

প্রপ্র পূষ্ণস্তুবিজাতস্য শস্যতে মহিত্বমস্য তবসো ন তন্দতে স্তোত্রমস্য ন তন্দতে ।
অর্চামি সুম্নয়ন্নহমন্ত্যূতিং ময়োভুবম্ ।
বিশ্বস্য যো মন আয়ুয়ুবে মখো দেব আয়ুয়ুবে মখঃ ॥১॥

138.2

প্র হি ত্বা পূষন্নজিরং ন যামনি স্তোমেভিঃ কৃণ্ব ঋণবো যথা মৃধ উষ্ট্রো ন পীপরো মৃধঃ ।
হুবে যৎ ত্বা ময়োভুবং দেবং সখ্যায় মর্ত্যঃ ।
অস্মাকমাঙ্গূষান্ দ্যুম্নিনস্কৃধি বাজেষু দ্যুম্নিনস্কৃধি ॥২॥

138.3

যস্য তে পূষন্ ত্সখ্যে বিপন্যবঃ ক্রত্বা চিৎ সন্তোঽবসা বুভুজ্রির ইতি ক্রত্বা বুভুজ্রিরে ।
তামনু ত্বা নবীয়সীং নিয়ুতং রায় ঈমহে ।
অহেলমান উরুশংস সরী ভব বাজেবাজে সরী ভব ॥৩॥

138.4

অস্যা ঊ ষু ণ উপ সাতয়ে ভুবো ঽহেলমানো ররিবাঁ অজাশ্ব শ্রবস্যতামজাশ্ব ।
ও ষু ত্বা ববৃতীমহি স্তোমেভির্দস্ম সাধুভিঃ ।
নহি ত্বা পূষন্নতিমন্য আঘৃণে ন তে সখ্যমপহ্নুবে ॥৪॥