সূক্ত 136

136.1

৭ পরুচ্ছেপো দৈবোদাসিঃ। ১-৫ মিত্রাবরুণৌ, ৬-৭ লিঙ্গোক্তাঃ। অত্যষ্টিঃ, ৭ ত্রিষ্টুপ্।

প্র সু জ্যেষ্ঠং নিচিরাভ্যাং বৃহন্নমো হব্যং মতিং ভরতা মৃলয়দ্ভ্যাং স্বাদিষ্ঠং মৃলয়দ্ভ্যাম্ ।
তা সম্রাজা ঘৃতাসুতী যজ্ঞেয়জ্ঞ উপস্তুতা ।
অথৈনোঃ ক্ষত্রং ন কুতশ্চনাধৃষে দেবত্বং নূ চিদাধৃষে ॥১॥

136.2

অদর্শি গাতুরুরবে বরীয়সী পন্থা ঋতস্য সময়ংস্ত রশ্মিভিশ্চক্ষুর্ভগস্য রশ্মিভিঃ ।
দ্যুক্ষং মিত্রস্য সাদনমর্যম্ণো বরুণস্য চ ।
অথা দধাতে বৃহদুক্থ্যং ১ বয় উপস্তুত্যং বৃহদ্ বয়ঃ ॥২॥

136.3

জ্যোতিষ্মতীমদিতিং ধারয়ত্ক্ষিতিং স্বর্বতীমা সচেতে দিবেদিবে জাগৃবাংসা দিবেদিবে ।
জ্যোতিষ্মৎ ক্ষত্রমাশাতে আদিত্যা দানুনস্পতী ।
মিত্রস্তয়োর্বরুণো যাতয়জ্জনো ঽর্যমা যাতয়জ্জনঃ ॥৩॥

136.4

অয়ং মিত্রায় বরুণায় শংতমঃ সোমো ভূত্ববপানেষ্বাভগো দেবো দেবেষ্বাভগঃ ।
তং দেবাসো জুষেরত বিশ্বে অদ্য সজোষসঃ ।
তথা রাজানা করথো যদীমহ ঋতাবানা যদীমহে ॥
যো মিত্রায় বরুণায়াবিধজ্জনোঽনর্বাণং তং পরি পাতো অংহসো দাশ্বাংসং মর্তমংহসঃ ।
তমর্যমাভি রক্ষত্যৃজূয়ন্তমনু ব্রতম্ ।
উক্থৈর্য এনোঃ পরিভূষতি ব্রতং স্তোমৈরাভূষতি ব্রতম্ ॥৫॥

136.5

নমো দিবে বৃহতে রোদসীভ্যাং মিত্রায় বোচং বরুণায় মীহ্লুষে সুমৃলীকায় মীহ্লুষে ।
ইন্দ্রমগ্নিমুপ স্তুহি দ্যুক্ষমর্যমণং ভগম্ ।
জ্যোগ্জীবন্তঃ প্রজয়া সচেমহি সোমস্যোতী সচেমহি ॥৬॥

136.6

ঊতী দেবানাং বয়মিন্দ্রবন্তো মংসীমহি স্বয়শসো মরুদ্ভিঃ ।
অগ্নির্মিত্রো বরুণঃ শর্ম যংসন্ তদশ্যাম মঘবানো বয়ং চ ॥৭॥