Sukta 136

136.1

7 paruchchhepo daivodasih, 1-5 mitravarunau, 6-7 lingoktah, atyashtih, 7 trishtup

प्र सु ज्येष्ठं॑ निचि॒राभ्यां॑ बृ॒हन्नमो॑ ह॒व्यं म॒तिं भ॑रता मृळ॒यद्भ्यां॒ स्वादि॑ष्ठं मृळ॒यद्भ्या॑म् ।
ता स॒म्राजा॑ घृ॒तासु॑ती य॒ज्ञेय॑ज्ञ॒ उप॑स्तुता ।
अथै॑नोः क्ष॒त्रं न कुत॑श्च॒नाधृषे॑ देव॒त्वं नू चि॑दा॒धृषे॑ ॥१॥

Pra su jyeshtham nichirabhyam brihannamo havyam matim bharata mrilayadbhyam svadishtham mrilayadbhyam
Ta samraja ghritasuti yagyeyagya upastuta
Athainoh kshatram na kutashchanadhrishe devatvam nu chidadhrishe

136.2

अद॑र्शि गा॒तुरु॒रवे॒ वरी॑यसी॒ पन्था॑ ऋ॒तस्य॒ सम॑यंस्त र॒श्मिभि॒श्चक्षु॒र्भग॑स्य र॒श्मिभि॑ः ।
द्यु॒क्षं मि॒त्रस्य॒ साद॑नमर्य॒म्णो वरु॑णस्य च ।
अथा॑ दधाते बृ॒हदु॒क्थ्यं १ वय॑ उप॒स्तुत्यं॑ बृ॒हद् वय॑ः ॥२॥

Adarshi gatururave variyasi pantha ritasya samayansta rashmibhishchakshurbhagasya rashmibhih
Dyuksham mitrasya sadanamaryamno varunasya cha
Atha dadhate brihadukthyam 1 vaya upastutyam brihad vayah

136.3

ज्योति॑ष्मती॒मदि॑तिं धार॒यत्क्षि॑तिं॒ स्व॑र्वती॒मा स॑चेते दि॒वेदि॑वे जागृ॒वांसा॑ दि॒वेदि॑वे ।
ज्योति॑ष्मत् क्ष॒त्रमा॑शाते आदि॒त्या दानु॑न॒स्पती॑ ।
मि॒त्रस्तयो॒र्वरु॑णो यात॒यज्ज॑नो ऽर्य॒मा या॑त॒यज्ज॑नः ॥३॥

Jyotishmatimaditim dharayatkshitim svarvatima sachete divedive jagrivansa divedive
Jyotishmat kshatramashate aditya danunaspati
Mitrastayorvaruno yatayajjano ryama yatayajjanah

136.4

अ॒यं मि॒त्राय॒ वरु॑णाय॒ शंत॑म॒ः सोमो॑ भूत्वव॒पाने॒ष्वाभ॑गो दे॒वो दे॒वेष्वाभ॑गः ।
तं दे॒वासो॑ जुषेरत॒ विश्वे॑ अ॒द्य स॒जोष॑सः ।
तथा॑ राजाना करथो॒ यदीम॑ह॒ ऋता॑वाना॒ यदीम॑हे ॥
यो मि॒त्राय॒ वरु॑णा॒यावि॑ध॒ज्जनो॑ऽन॒र्वाणं॒ तं परि॑ पातो॒ अंह॑सो दा॒श्वांसं॒ मर्त॒मंह॑सः ।
तम॑र्य॒माभि र॑क्षत्यृजू॒यन्त॒मनु॑ व्र॒तम् ।
उ॒क्थैर्य ए॑नोः परि॒भूष॑ति व्र॒तं स्तोमै॑रा॒भूष॑ति व्र॒तम् ॥५॥

Ayam mitraya varunaya shantamah somo bhutvavapaneshvabhago devo deveshvabhagah
Tam devaso jusherata vishve adya sajoshasah
Tatha rajana karatho yadimaha ritavana yadimahe
Yo mitraya varunayavidhajjanonarvanam tam pari pato anhaso dashvansam martamanhasah
Tamaryamabhi rakshatyrijuyantamanu vratam
Ukthairya enoh paribhushati vratam stomairabhushati vratam

136.5

नमो॑ दि॒वे बृ॑ह॒ते रोद॑सीभ्यां मि॒त्राय॑ वोचं॒ वरु॑णाय मी॒ह्लुषे॑ सुमृळी॒काय॑ मी॒ह्लुषे॑ ।
इन्द्र॑म॒ग्निमुप॑ स्तुहि द्यु॒क्षम॑र्य॒मणं॒ भग॑म् ।
ज्योग्जीव॑न्तः प्र॒जया॑ सचेमहि॒ सोम॑स्यो॒ती स॑चेमहि ॥६॥

Namo dive brihate rodasibhyam mitraya vocham varunaya mihlushe sumrilikaya mihlushe
Indramagnimupa stuhi dyukshamaryamanam bhagam
Jyogjivantah prajaya sachemahi somasyoti sachemahi

136.6

ऊ॒ती दे॒वानां॑ व॒यमिन्द्र॑वन्तो मंसी॒महि॒ स्वय॑शसो म॒रुद्भि॑ः ।
अ॒ग्निर्मि॒त्रो वरु॑ण॒ः शर्म॑ यंस॒न् तद॑श्याम म॒घवा॑नो व॒यं च॑ ॥७॥

Uti devanam vayamindravanto mansimahi svayashaso marudbhih
Agnirmitro varunah sharma yansan tadashyama maghavano vayam cha