সূক্ত 133

133.1

৭ পরুচ্ছেপো দৈবোদাসিঃ । ইন্দ্রঃ।১ ত্রিষ্টুপ্, ২-৪ অনুষ্টুপ্, ৫ গায়ত্রী, ৬ ধৃতিঃ, ৭ অষ্টিঃ।

উভে পুনামি রোদসী ঋতেন দ্রুহো দহামি সং মহীরনিন্দ্রাঃ ।
অভিব্লগ্য যত্র হতা অমিত্রা বৈলস্থানং পরি তৃহ্লা অশেরন্ ॥১॥

133.2

অভিব্লগ্যা চিদদ্রিবঃ শীর্ষা যাতুমতীনাম্ ।
ছিন্ধি বটূরিণা পদা মহাবটূরিণা পদা ॥২॥

133.3

অবাসাং মঘবঞ্জহি শর্ধো যাতুমতীনাম্ ।
বৈলস্থানকে অর্মকে মহাবৈলস্থে অর্মকে ॥৩॥

133.4

যাসাং তিস্রঃ পঞ্চাশতো ঽভিব্লঙ্গৈরপাবপঃ ।
তৎ সু তে মনায়তি তকৎ সু তে মনায়তি ॥৪॥

133.5

পিশঙ্গভৃষ্টিমম্ভৃণং পিশাচিমিন্দ্র সং মৃণ ।
সর্বং রক্ষো নি বর্হয় ॥৫॥

133.6

অবর্মহ ইন্দ্র দাদৃহি শ্রুধী নঃ শুশোচ হি দ্যৌঃ ক্ষা ন ভীষাঁ অদ্রিবো ঘৃণান্ন ভীষাঁ অদ্রিবঃ ।
শুষ্মিন্তমো হি শুষ্মিভির্বধৈরুগ্রেভিরীয়সে ।
অপূরুষঘ্নো অপ্রতীত শূর সত্বভিস্ত্রিসপ্তৈঃ শূর সত্বভিঃ ॥৬॥

133.7

বনোতি হি সুন্বন্ ক্ষয়ং পরীণসঃ সুন্বানো হি ষ্মা যজত্যব দ্বিষো দেবানামব দ্বিষঃ ।
সুন্বান ইৎ সিষাসতি সহস্রা বাজ্যবৃতঃ ।
সুন্বানায়েন্দ্রো দদাত্যাভুবং রয়িং দদাত্যাভুবম্ ॥৭॥