সূক্ত 132

132.1

৬ পরুচ্ছেপো দৈবোদাসিঃ । ইন্দ্রঃ, ৬ (১অর্ধর্চস্য) ইন্দ্রাপর্বতৌ। অত্যষ্টিঃ।

ত্বয়া বয়ং মঘবন্ পূর্ব্যে ধন ইন্দ্রত্বোতাঃ সাসহ্যাম পৃতন্যতো বনুয়াম বনুষ্যতঃ ।
নেদিষ্ঠে অস্মিন্নহন্যধি বোচা নু সুন্বতে ।
অস্মিন্ যজ্ঞে বি চয়েমা ভরে কৃতং বাজয়ন্তো ভরে কৃতম্ ॥১॥

132.2

স্বর্জেষে ভর আপ্রস্য বক্মন্যুষর্বুধঃ স্বস্মিন্নঞ্জসি ক্রাণস্য স্বস্মিন্নঞ্জসি ।
অহন্নিন্দ্রো যথা বিদে শীর্ষ্ণাশীর্ষ্ণোপবাচ্যঃ ।
অস্মত্রা তে সধ্র্যক্ সন্তু রাতয়ো ভদ্রা ভদ্রস্য রাতয়ঃ ॥২॥

132.3

তৎ তু প্রয়ঃ প্রত্নথা তে শুশুক্বনং যস্মিন্ যজ্ঞে বারমকৃণ্বত ক্ষয়মৃতস্য বারসি ক্ষয়ম্ ।
বি তদ্ বোচেরধ দ্বিতাঽন্তঃ পশ্যন্তি রশ্মিভিঃ ।
স ঘা বিদে অন্বিন্দ্রো গবেষণো বন্ধুক্ষিদ্ভ্যো গবেষণঃ ॥৩॥

132.4

নূ ইত্থা তে পূর্বথা চ প্রবাচ্যং যদঙ্গিরোভ্যোঽবৃণোরপ ব্রজমিন্দ্র শিক্ষন্নপ ব্রজম্ ।
ঐভ্যঃ সমান্যা দিশা ঽস্মভ্যং জেষি যোত্সি চ ।
সুন্বদ্ভ্যো রন্ধয়া কং চিদব্রতং হৃণায়ন্তং চিদব্রতম্ ॥৪॥

132.5

সং যজ্জনান্ ক্রতুভিঃ শূর ঈক্ষয়দ্ধনে হিতে তরুষন্ত শ্রবস্যবঃ প্র যক্ষন্ত শ্রবস্যবঃ ।
তস্মা আয়ুঃ প্রজাবদিদ্ বাধে অর্চন্ত্যোজসা ।
ইন্দ্র ওক্যং দিধিষন্ত ধীতয়ো দেবাঁ অচ্ছা ন ধীতয়ঃ ॥৫॥

132.6

যুবং তমিন্দ্রাপর্বতা পুরোয়ুধা যো নঃ পৃতন্যাদপ তংতমিদ্ধতং বজ্রেণ তংতমিদ্ধতম্ ।
দূরে চত্তায় চ্ছন্ত্সদ্ গহনং যদিনক্ষৎ ।
অস্মাকং শত্রূন্ পরি শূর বিশ্বতো দর্মা দর্ষীষ্ট বিশ্বতঃ ॥৬॥