সূক্ত 131

131.1

৭ পরুচ্ছেপো দৈবোদাসিঃ । ইন্দ্রঃ। অত্যষ্টিঃ।

ইন্দ্রায় হি দ্যৌরসুরো অনম্নতেন্দ্রায় মহী পৃথিবী বরীমভির্দ্যুম্নসাতা বরীমভিঃ ।
ইন্দ্রং বিশ্বে সজোষসো দেবাসো দধিরে পুরঃ ।
ইন্দ্রায় বিশ্বা সবনানি মানুষা রাতানি সন্তু মানুষা ॥১॥

131.2

বিশ্বেষু হি ত্বা সবনেষু তুঞ্জতে সমানমেকং বৃষমণ্যবঃ পৃথক্ স্বঃ সনিষ্যবঃ পৃথক্ ।
তং ত্বা নাবং ন পর্ষণিং শূষস্য ধুরি ধীমহি ।
ইন্দ্রং ন যজ্ঞৈশ্চিতয়ন্ত আয়বঃ স্তোমেভিরিন্দ্রমায়বঃ ॥২॥

131.3

বি ত্বা ততস্রে মিথুনা অবস্যবো ব্রজস্য সাতা গব্যস্য নিঃসৃজঃ সক্ষন্ত ইন্দ্র নিঃসৃজঃ ।
যদ্ গব্যন্তা দ্বা জনা স্ব ১র্যন্তা সমূহসি ।
আবিষ্করিক্রদ্ বৃষণং সচাভুবং বজ্রমিন্দ্র সচাভুবম্ ॥৩॥

131.4

বিদুষ্টে অস্য বীর্যস্য পূরবঃ পুরো যদিন্দ্র শারদীরবাতিরঃ সাসহানো অবাতিরঃ ।
শাসস্তমিন্দ্র মর্ত্যময়জ্যুং শবসস্পতে ।
মহীমমুষ্ণাঃ পৃথিবীমিমা অপো মন্দসান ইমা অপঃ ॥৪॥

131.5

আদিৎ তে অস্য বীর্যস্য চর্কিরন্ মদেষু বৃষন্নুশিজো যদাবিথ সখীয়তো যদাবিথ ।
চকর্থ কারমেভ্যঃ পৃতনাসু প্রবন্তবে ।
তে অন্যামন্যাং নদ্যং সনিষ্ণত শ্রবস্যন্তঃ সনিষ্ণত ॥৫॥

131.6

উতো নো অস্যা উষসো জুষেত হ্য ১র্কস্য বোধি হবিষো হবীমভিঃ স্বর্ষাতা হবীমভিঃ ।
যদিন্দ্র হন্তবে মৃধো বৃষা বজ্রিঞ্চিকেতসি ।
আ মে অস্য বেধসো নবীয়সো মন্ম শ্রুধি নবীয়সঃ ॥৬॥

131.7

ত্বং তমিন্দ্র বাবৃধানো অস্ময়ুরমিত্রয়ন্তং তুবিজাত মর্ত্যং বজ্রেণ শূর মর্ত্যম্ ।
জহি যো নো অঘায়তি শৃণুষ্ব সুশ্রবস্তমঃ ।
রিষ্টং ন যামন্নপ ভূতু দুর্মতির্বিশ্বাপ ভূতু দুর্মতিঃ ॥৭॥