সূক্ত 130

130.1

১০ পরুচ্ছেপো দৈবোদাসিঃ । ইন্দ্রঃ। অত্যষ্টিঃ, ১০ ত্রিষ্টুপ্।

এন্দ্র যাহ্যুপ নঃ পরাবতো নায়মচ্ছা বিদথানীব সত্পতিরস্তং রাজেব সত্পতিঃ ।
হবামহে ত্বা বয়ং প্রয়স্বন্তঃ সুতে সচা ।
পুত্রাসো ন পিতরং বাজসাতয়ে মংহিষ্ঠং বাজসাতয়ে ॥১॥

130.2

পিবা সোমমিন্দ্র সুবানমদ্রিভিঃ কোশেন সিক্তমবতং ন বংসগস্তাতৃষাণো ন বংসগঃ ।
মদায় হর্যতায় তে তুবিষ্টমায় ধায়সে ।
আ ত্বা যচ্ছন্তু হরিতো ন সূর্যমহা বিশ্বেব সূর্যম্ ॥২॥

130.3

অবিন্দদ্ দিবো নিহিতং গুহা নিধিং বের্ন গর্ভং পরিবীতমশ্মন্যনন্তে অন্তরশ্মনি ।
ব্রজং বজ্রী গবামিব সিষাসন্নঙ্গিরস্তমঃ ।
অপাবৃণোদিষ ইন্দ্রঃ পরীবৃতা দ্বার ইষঃ পরীবৃতাঃ ॥৩॥

130.4

দাদৃহাণো বজ্রমিন্দ্রো গভস্ত্যোঃ ক্ষদ্মেব তিগ্মমসনায় সং শ্যদহিহত্যায় সং শ্যৎ ।
সংবিব্যান ওজসা শবোভিরিন্দ্র মজ্মনা ।
তষ্টেব বৃক্ষং বনিনো নি বৃশ্চসি পরশ্বেব নি বৃশ্চসি ॥৪॥

130.5

ত্বং বৃথা নদ্য ইন্দ্র সর্তবে ঽচ্ছা সমুদ্রমসৃজো রথাঁ ইব বাজয়তো রথাঁ ইব ।
ইত ঊতীরয়ুঞ্জত সমানমর্থমক্ষিতম্ ।
ধেনূরিব মনবে বিশ্বদোহসো জনায় বিশ্বদোহসঃ ॥৫॥

130.6

ইমাং তে বাচং বসূয়ন্ত আয়বো রথং ন ধীরঃ স্বপা অতক্ষিষুঃ সুম্নায় ত্বামতক্ষিষুঃ ।
শুম্ভন্তো জেন্যং যথা বাজেষু বিপ্র বাজিনম্ ।
অত্যমিব শবসে সাতয়ে ধনা বিশ্বা ধনানি সাতয়ে ॥৬॥

130.7

ভিনৎ পুরো নবতিমিন্দ্র পূরবে দিবোদাসায় মহি দাশুষে নৃতো বজ্রেণ দাশুষে নৃতো ।
অতিথিগ্বায় শম্বরং গিরেরুগ্রো অবাভরৎ ।
মহো ধনানি দয়মান ওজসা বিশ্বা ধনান্যোজসা ॥৭॥

130.8

ইন্দ্রঃ সমত্সু যজমানমার্যং প্রাবদ্ বিশ্বেষু শতমূতিরাজিষু স্বর্মীহ্লেষ্বাজিষু ।
মনবে শাসদব্রতান্ ত্বচং কৃষ্ণামরন্ধয়ৎ ।
দক্ষন্ন বিশ্বং ততৃষাণমোষতি ন্যর্শসানমোষতি ॥৮॥

130.9

সূরশ্চক্রং প্র বৃহজ্জাত ওজসা প্রপিত্বে বাচমরুণো মুষায়তীশান আ মুষায়তি ।
উশনা যৎ পরাবতো ঽজগন্নূতয়ে কবে ।
সুম্নানি বিশ্বা মনুষেব তুর্বণিরহা বিশ্বেব তুর্বণিঃ ॥৯॥

130.10

স নো নব্যেভির্বৃষকর্মন্নুক্থৈঃ পুরাং দর্তঃ পায়ুভিঃ পাহি শগ্মৈঃ ।
দিবোদাসেভিরিন্দ্র স্তবানো বাবৃধীথা অহোভিরিব দ্যৌঃ ॥১০॥