সূক্ত 129

129.1

১১ পরুচ্ছেপো দৈবোদাসিঃ । ইন্দ্রঃ, ইন্দুঃ।অত্যষ্টিঃ, ৮-৯ অতিশক্বর্যৌ, ১১অষ্টিঃ।

যং ত্বং রথমিন্দ্র মেধসাতয়ে ঽপাকা সন্তমিষির প্রণয়সি প্রানবদ্য নয়সি ।
সদ্যশ্চিত্তমভিষ্টয়ে করো বশশ্চ বাজিনম্ ।
সাস্মাকমনবদ্য তূতুজান বেধসামিমাং বাচং ন বেধসাম্ ॥১॥

129.2

স শ্রুধি যঃ স্মা পৃতনাসু কাসু চিদ্ দক্ষায্য ইন্দ্র ভরহূতয়ে নৃভিরসি প্রতূর্তয়ে নৃভিঃ ।
যঃ শূরৈঃ স্ব ১ঃ সনিতা যো বিপ্রৈর্বাজং তরুতা ।
তমীশানাস ইরধন্ত বাজিনং পৃক্ষমত্যং ন বাজিনম্ ॥২॥

129.3

দস্মো হি ষ্মা বৃষণং পিন্বসি ত্বচং কং চিদ্ যাবীরররুং শূর মর্ত্যং পরিবৃণক্ষি মর্ত্যম্ ।
ইন্দ্রোত তুভ্যং তদ্ দিবে তদ্ রুদ্রায় স্বয়শসে ।
মিত্রায় বোচং বরুণায় সপ্রথঃ সুমৃলীকায় সপ্রথঃ ॥৩॥

129.4

অস্মাকং ব ইন্দ্রমুশ্মসীষ্টয়ে সখায়ং বিশ্বায়ুং প্রাসহং যুজং বাজেষু প্রাসহং যুজম্ ।
অস্মাকং ব্রহ্মোতয়ে ঽবা পৃত্সুষু কাসু চিৎ ।
নহি ত্বা শত্রুঃ স্তরতেঃ স্তৃণোষি যং বিশ্বং শত্রুংঃ স্তৃণোষি যম্ ॥৪॥

129.5

নি ষূ নমাতিমতিং কয়স্য চিৎ তেজিষ্ঠাভিররণিভির্নোতিভিরুগ্রাভিরুগ্রোতিভিঃ ।
নেষি ণো যথা পুরাঽনেনাঃ শূর মন্যসে ।
বিশ্বানি পূরোরপ পর্ষি বহ্নিরাসা বহ্নির্নো অচ্ছ ॥৫॥

129.6

প্র তদ্ বোচেয়ং ভব্যায়েন্দবে হব্যো ন য ইষবান্ মন্ম রেজতি রক্ষোহা মন্ম রেজতি ।
স্বয়ং সো অস্মদা নিদো বধৈরজেত দুর্মতিম্ ।
অব স্রবেদঘশংসোঽবতরমব ক্ষুদ্রমিব স্রবেৎ ॥৬॥

129.7

বনেম তদ্ধোত্রয়া চিতন্ত্যা বনেম রয়িং রয়িবঃ সুবীর্যং রণ্বং সন্তং সুবীর্যম্ ।
দুর্মন্মানং সুমন্তুভিরেমিষা পৃচীমহি ।
আ সত্যাভিরিন্দ্রং দ্যুম্নহূতিভির্যজত্রং দ্যুম্নহূতিভিঃ ॥৭॥

129.8

প্রপ্রা বো অস্মে স্বয়শোভিরূতী পরিবর্গ ইন্দ্রো দুর্মতীনাং দরীমন্ দুর্মতীনাম্ ।
স্বয়ং সা রিষয়ধ্যৈ যা ন উপেষে অত্রৈঃ ।
হতেমসন্ন বক্ষতি ক্ষিপ্তা জূর্ণির্ন বক্ষতি ॥৮॥

129.9

ত্বং ন ইন্দ্র রায়া পরীণসা যাহি পথাঁ অনেহসা পুরো যাহ্যরক্ষসা ।
সচস্ব নঃ পরাক আ সচস্বাস্তমীক আ ।
পাহি নো দূরাদারাদভিষ্টিভিঃ সদা পাহ্যভিষ্টিভিঃ ॥৯॥

129.10

ত্বং ন ইন্দ্র রায়া তরূষসোগ্রং চিৎ ত্বা মহিমা সক্ষদবসে মহে মিত্রং নাবসে ।
ওজিষ্ঠ ত্রাতরবিতা রথং কং চিদমর্ত্য ।
অন্যমস্মদ্ রিরিষেঃ কং চিদদ্রিবো রিরিক্ষন্তং চিদদ্রিবঃ ॥১০॥

129.11

পাহি ন ইন্দ্র সুষ্টুত স্রিধো ঽবয়াতা সদমিদ্ দুর্মতীনাং দেবঃ সন্দুর্মতীনাম্ ।
হন্তা পাপস্য রক্ষসস্ত্রাতা বিপ্রস্য মাবতঃ ।
অধা হি ত্বা জনিতা জীজনদ্ বসো রক্ষোহণং ত্বা জীজনদ্ বসো ॥১১॥