সূক্ত 125

125.1

৭ কক্ষীবান্ দৈর্ঘতমস ঔশিজঃ। স্বনয়স্য দানস্তুতিঃ। ত্রিষ্টুপ্, ৪-৫ জগতী।

প্রাতা রত্নং প্রাতরিত্বা দধাতি তং চিকিত্বান্ প্রতিগৃহ্যা নি ধত্তে ।
তেন প্রজাং বর্ধয়মান আয়ূ রায়স্পোষেণ সচতে সুবীরঃ ॥১॥

সুগুরসৎ সুহিরণ্যঃ স্বশ্বো বৃহদস্মৈ বয় ইন্দ্রো দধাতি ।
যস্ত্বায়ন্তং বসুনা প্রাতরিত্বো মুক্ষীজয়েব পদিমুত্সিনাতি ॥২॥

আয়মদ্য সুকৃতং প্রাতরিচ্ছন্নিষ্টেঃ পুত্রং বসুমতা রথেন ।
অংশোঃ সুতং পায়য় মত্সরস্য ক্ষয়দ্বীরং বর্ধয় সূনৃতাভিঃ ॥৩॥

উপ ক্ষরন্তি সিন্ধবো ময়োভুব ঈজানং চ যক্ষ্যমাণং চ ধেনবঃ ।
পৃণন্তং চ পপুরিং চ শ্রবস্যবো ঘৃতস্য ধারা উপ যন্তি বিশ্বতঃ ॥৪॥

নাকস্য পৃষ্ঠে অধি তিষ্ঠতি শ্রিতো যঃ পৃণাতি স হ দেবেষু গচ্ছতি ।
তস্মা আপো ঘৃতমর্ষন্তি সিন্ধবস্তস্মা ইয়ং দক্ষিণা পিন্বতে সদা ॥৫॥

দক্ষিণাবতামিদিমানি চিত্রা দক্ষিণাবতাং দিবি সূর্যাসঃ ।
দক্ষিণাবন্তো অমৃতং ভজন্তে দক্ষিণাবন্তঃ প্র তিরন্ত আয়ুঃ ॥৬॥

মা পৃণন্তো দুরিতমেন আরন্ মা জারিষুঃ সূরয়ঃ সুব্রতাসঃ ।
অন্যস্তেষাং পরিধিরস্তু কশ্চিদপৃণন্তমভি সং যন্তু শোকাঃ ॥৭॥