সূক্ত 124

124.1

১৩ কক্ষীবান্ দৈর্ঘতমস ঔশিজঃ। উষাঃ । ত্রিষ্টুপ্।

উষা উচ্ছন্তী সমিধানে অগ্না উদ্যন্ত্সূর্য উর্বিয়া জ্যোতিরশ্রেৎ ।
দেবো নো অত্র সবিতা ন্বর্থং প্রাসাবীদ্ দ্বিপৎ প্র চতুষ্পদিত্যৈ ॥১॥

অমিনতী দৈব্যানি ব্রতানি প্রমিনতী মনুষ্যা যুগানি ।
ঈয়ুষীণামুপমা শশ্বতীনামায়তীনাং প্রথমোষা ব্যদ্যৌৎ ॥২॥

এষা দিবো দুহিতা প্রত্যদর্শি জ্যোতির্বসানা সমনা পুরস্তাৎ ।
ঋতস্য পন্থামন্বেতি সাধু প্রজানতীব ন দিশো মিনাতি ॥৩॥

উপো অদর্শি শুন্ধ্যুবো ন বক্ষো নোধা ইবাবিরকৃত প্রিয়াণি ।
অদ্মসন্ন সসতো বোধয়ন্তী শশ্বত্তমাগাৎ পুনরেয়ুষীণাম্ ॥৪॥

পূর্বে অর্ধে রজসো অপ্ত্যস্য গবাং জনিত্র্যকৃত প্র কেতুম্ ।
ব্যু প্রথতে বিতরং বরীয় ওভা পৃণন্তী পিত্রোরুপস্থা ॥৫॥

এবেদেষা পুরুতমা দৃশে কং নাজামিং ন পরি বৃণক্তি জামিম্ ।
অরেপসা তন্বা ৩ শাশদানা নার্ভাদীষতে ন মহো বিভাতী ॥৬॥

অভ্রাতেব পুংস এতি প্রতীচী গর্তারুগিব সনয়ে ধনানাম্ ।
জায়েব পত্য উশতী সুবাসা উষা হস্রেব নি রিণীতে অপ্সঃ ॥৭॥

স্বসা স্বস্রে জ্যায়স্যৈ যোনিমারৈগপৈত্যস্যাঃ প্রতিচক্ষ্যেব ।
ব্যুচ্ছন্তী রশ্মিভিঃ সূর্যস্যাঞ্জ্যঙ্ক্তে সমনগা ইব ব্রাঃ ॥৮॥

আসাং পূর্বাসামহসু স্বসৄণামপরা পূর্বামভ্যেতি পশ্চাৎ ।
তাঃ প্রত্নবন্নব্যসীর্নূনমস্মে রেবদুচ্ছন্তু সুদিনা উষাসঃ ॥৯॥

প্র বোধয়োষঃ পৃণতো মঘোন্যবুধ্যমানাঃ পণয়ঃ সসন্তু ।
রেবদুচ্ছ মঘবদ্ভ্যো মঘোনি রেবৎ স্তোত্রে সূনৃতে জারয়ন্তী ॥১০॥

অবেয়মশ্বৈদ্ যুবতিঃ পুরস্তাদ্ যুঙ্ক্তে গবামরুণানামনীকম্ ।
বি নূনমুচ্ছাদসতি প্র কেতুর্গৃহংগৃহমুপ তিষ্ঠাতে অগ্নিঃ ॥১১॥

উৎ তে বয়শ্চিদ্ বসতেরপপ্তন্ নরশ্চ যে পিতুভাজো ব্যুষ্টৌ ।
অমা সতে বহসি ভূরি বামমুষো দেবি দাশুষে মর্ত্যায় ॥১২॥

অস্তোঢ্বং স্তোম্যা ব্রহ্মণা মে ঽবীবৃধধ্বমুশতীরুষাসঃ ।
যুষ্মাকং দেবীরবসা সনেম সহস্রিণং চ শতিনং চ বাজম্ ॥১৩॥