সূক্ত 123

123.1

১৩ কক্ষীবান্ দৈর্ঘতমস ঔশিজঃ। উষাঃ । ত্রিষ্টুপ্।

পৃথূ রথো দক্ষিণায়া অয়োজ্যৈনং দেবাসো অমৃতাসো অস্থুঃ ।
কৃষ্ণাদুদস্থাদর্যা ৩ বিহায়াশ্চিকিত্সন্তী মানুষায় ক্ষয়ায় ॥১॥

123.2

পূর্বা বিশ্বস্মাদ্ ভুবনাদবোধি জয়ন্তী বাজং বৃহতী সনুত্রী ।
উচ্চা ব্যখ্যদ্ যুবতিঃ পুনর্ভূরোষা অগন্ প্রথমা পূর্বহূতৌ ॥২॥

123.3

যদদ্য ভাগং বিভজাসি নৃভ্য উষো দেবি মর্ত্যত্রা সুজাতে ।
দেবো নো অত্র সবিতা দমূনা অনাগসো বোচতি সূর্যায় ॥৩॥

123.4

গৃহংগৃহমহনা যাত্যচ্ছা দিবেদিবে অধি নামা দধানা ।
সিষাসন্তী দ্যোতনা শশ্বদাগাদগ্রমগ্রমিদ্ ভজতে বসূনাম্ ॥৪॥

123.5

ভগস্য স্বসা বরুণস্য জামিরুষঃ সূনৃতে প্রথমা জরস্ব ।
পশ্চা স দঘ্যা যো অঘস্য ধাতা জয়েম তং দক্ষিণয়া রথেন ॥৫॥

123.6

উদীরতাং সূনৃতা উৎ পুরন্ধীরুদগ্নয়ঃ শুশুচানাসো অস্থুঃ ।
স্পার্হা বসূনি তমসাপগূহ্লবিষ্কৃণ্বন্ত্যুষসো বিভাতীঃ ॥৬॥

123.7

অপান্যদেত্যভ্য ১ ন্যদেতি বিষুরূপে অহনী সং চরেতে ।
পরিক্ষিতোস্তমো অন্যা গুহাকরদ্যৌদুষাঃ শোশুচতা রথেন ॥৭॥

123.8

সদৃশীরদ্য সদৃশীরিদু শ্বো দীর্ঘং সচন্তে বরুণস্য ধাম ।
অনবদ্যাস্ত্রিংশতং যোজনান্যেকৈকা ক্রতুং পরি যন্তি সদ্যঃ ॥৮॥

123.9

জানত্যহ্নঃ প্রথমস্য নাম শুক্রা কৃষ্ণাদজনিষ্ট শ্বিতীচী ।
ঋতস্য যোষা ন মিনাতি ধামাহরহর্নিষ্কৃতমাচরন্তী ॥৯॥

123.10

কন্যেব তন্বা ৩ শাশদানাঁ এষি দেবি দেবমিয়ক্ষমাণম্ ।
সংস্ময়মানা যুবতিঃ পুরস্তাদাবির্বক্ষাংসি কৃণুষে বিভাতী ॥১০॥

123.11

সুসংকাশা মাতৃমৃষ্টেব যোষাবিস্তন্বং কৃণুষে দৃশে কম্ ।
ভদ্রা ত্বমুষো বিতরং ব্যুচ্ছ ন তত্তে অন্যা উষসো নশন্ত ॥১১॥

123.12

অশ্বাবতীর্গোমতীর্বিশ্ববারা যতমানা রশ্মিভিঃ সূর্যস্য ।
পরা চ যন্তি পুনরা চ যন্তি ভদ্রা নাম বহমানা উষাসঃ ॥১২॥

123.13

ঋতস্য রশ্মিমনুয়চ্ছমানা ভদ্রম্ভদ্রং ক্রতুমস্মাসু ধেহি ।
উষো নো অদ্য সুহবা ব্যুচ্ছাস্মাসু রায়ো মঘবত্সু চ স্যুঃ ॥১৩॥