সূক্ত 126

126.1

৭ কক্ষীবান্ দৈর্ঘতমস ঔশিজঃ। (৬) স্বনয়ো ভাবয়ব্যঃ, (৭) রোমশা। ১-৫ স্বনয়ো ভাবয়ব্যঃ, ৬ রোমশা, ৭ স্বনয়ো ভাবয়ব্যঃ। ত্রিষ্টুপ্, ৬-৭ অনুষ্টুপ্।

অমন্দান্ ত্স্তোমান্ প্র ভরে মনীষা সিন্ধাবধি ক্ষিয়তো ভাব্যস্য ।
যো মে সহস্রমমিমীত সবানতূর্তো রাজা শ্রব ইচ্ছমানঃ ॥১॥

126.2

শতং রাজ্ঞো নাধমানস্য নিষ্কাঞ্ ছতমশ্বান্ প্রয়তান্ ত্সদ্য আদম্ ।
শতং কক্ষীবাঁ অসুরস্য গোনাং দিবি শ্রবোঽজরমা ততান ॥২॥

126.3

উপ মা শ্যাবাঃ স্বনয়েন দত্তা বধূমন্তো দশ রথাসো অস্থুঃ ।
ষষ্টিঃ সহস্রমনু গব্যমাগাৎ সনৎ কক্ষীবাঁ অভিপিত্বে অহ্নাম্ ॥৩॥

126.4

চত্বারিংশদ্ দশরথস্য শোণাঃ সহস্রস্যাগ্রে শ্রেণিং নয়ন্তি ।
মদচ্যুতঃ কৃশনাবতো অত্যান্ কক্ষীবন্ত উদমৃক্ষন্ত পজ্রাঃ ॥৪॥

126.5

পূর্বামনু প্রয়তিমা দদে বস্ত্রীন্ যুক্তাঁ অষ্টাবরিধায়সো গাঃ ।
সুবন্ধবো যে বিশ্যা ইব ব্রা অনস্বন্তঃ শ্রব ঐষন্ত পজ্রাঃ ॥৫॥

126.6

আগধিতা পরিগধিতা যা কশীকেব জঙ্গহে ।
দদাতি মহ্যং যাদুরী যাশূনাং ভোজ্যা শতা ॥৬॥

126.7

উপোপ মে পরা মৃশ মা মে দভ্রাণি মন্যথাঃ ।
সর্বাহমস্মি রোমশা গন্ধারীণামিবাবিকা ॥৭॥