সূক্ত 111

111.1

৫ কুত্স আঙ্গিরসঃ। ঋভবঃ।জগতী, ৫ ত্রিষ্টুপ্।

তক্ষন্ রথং সুবৃতং বিদ্মনাপসস্তক্ষন্ হরী ইন্দ্রবাহা বৃষণ্বসূ ।
তক্ষন্ পিতৃভ্যামৃভবো যুবদ্ বয়স্তক্ষন্ বত্সায় মাতরং সচাভুবম্ ॥১॥

111.2

আ নো যজ্ঞায় তক্ষত ঋভুমদ্বয়ঃ ক্রত্বে দক্ষায় সুপ্রজাবতীমিষম্ ।
যথা ক্ষয়াম সর্ববীরয়া বিশা তন্নঃ শর্ধায় ধাসথা স্বিন্দ্রিয়ম্ ॥২॥

111.3

আ তক্ষত সাতিমস্মভ্যমৃভবঃ সাতিং রথায় সাতিমর্বতে নরঃ ।
সাতিং নো জৈত্রীং সং মহেত বিশ্বহা জামিমজামিং পৃতনাসু সক্ষণিম্ ॥৩॥

111.4

ঋভুক্ষণমিন্দ্রমা হুব ঊতয় ঋভূন্ বাজান্ মরুতঃ সোমপীতয়ে ।
উভা মিত্রাবরুণা নূনমশ্বিনা তে নো হিন্বন্তু সাতয়ে ধিয়ে জিষে ॥৪॥

111.5

ঋভুর্ভরায় সং শিশাতু সাতিং সমর্যজিদ্বাজো অস্মাঁ অবিষ্টু ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥৫॥