সূক্ত 112

112.1

২৫ কুত্স আঙ্গিরসঃ। ১(আদ্যপাদস্য) দ্যাবাপৃথিব্যৌ, ১(দ্বিতী যপাদস্য) অগ্নিঃ, ১ (উত্তরার্ধস্য) অশ্বিনৌ, ২-২৫ অশ্বিনৌ। জগতী, ২৪-২৫ ত্রিষ্টুপ্।

ঈলে দ্যাবাপৃথিবী পূর্বচিত্তয়ে ঽগ্নিং ঘর্মং সুরুচং যামন্নিষ্টয়ে ।
যাভির্ভরে কারমংশায় জিন্বথস্তাভিরূ ষু ঊতিভিরশ্বিনা গতম্ ॥১॥

112.2

যুবোর্দানায় সুভরা অসশ্চতো রথমা তস্থুর্বচসং ন মন্তবে ।
যাভির্ধিয়োঽবথঃ কর্মন্নিষ্টয়ে তাভিরূ ষু ঊতিভিরশ্বিনা গতম্ ॥২॥

112.3

যুবং তাসাং দিব্যস্য প্র শাসনে বিশাং ক্ষয়থো অমৃতস্য মজ্মনা ।
যাভির্ধেনুমস্বং ১ পিন্বথো নরা তাভিরূ ষু ঊতিভিরশ্বিনা গতম্ ॥৩॥

112.4

যাভিঃ পরিজ্মা তনয়স্য মজ্মনা দ্বিমাতা তূর্ষু তরণির্বিভূষতি ।
যাভিস্ত্রিমন্তুরভবদ্ বিচক্ষণস্তাভিরূ ষু ঊতিভিরশ্বিনা গতম্ ॥৪॥

112.5

যাভী রেভং নিবৃতং সিতমদ্ভ্য উদ্ বন্দনমৈরয়তং স্বর্দৃশে ।
যাভিঃ কণ্বং প্র সিষাসন্তমাবতং তাভিরূ ষু ঊতিভিরশ্বিনা গতম্ ॥৫॥

112.6

যাভিরন্তকং জসমানমারণে ভুজ্যুং যাভিরব্যথিভির্জিজিন্বথুঃ ।
যাভিঃ কর্কন্ধুং বয্যং চ জিন্বথস্তাভিরূ ষু ঊতিভিরশ্বিনা গতম্ ॥৬॥

112.7

যাভিঃ শুচন্তিং ধনসাং সুষংসদং তপ্তং ঘর্মমোম্যাবন্তমত্রয়ে ।
যাভিঃ পৃশ্নিগুং পুরুকুত্সমাবতং তাভিরূ ষু ঊতিভিরশ্বিনা গতম্ ॥৭॥

112.8

যাভিঃ শচীভির্বৃষণা পরাবৃজং প্রান্ধং শ্রোণং চক্ষস এতবে কৃথঃ ।
যাভির্বর্তিকাং গ্রসিতামমুঞ্চতং তাভিরূ ষু ঊতিভিরশ্বিনা গতম্ ॥৮॥

112.9

যাভিঃ সিন্ধুং মধুমন্তমসশ্চতং বসিষ্ঠং যাভিরজরাবজিন্বতম্ ।
যাভিঃ কুত্সং শ্রুতর্যং নর্যমাবতং তাভিরূ ষু ঊতিভিরশ্বিনা গতম্ ॥৯॥

112.10

যাভির্বিশ্পলাং ধনসামথর্ব্যং সহস্রমীহ্ল আজাবজিন্বতম্ ।
যাভির্বশমশ্ব্যং প্রেণিমাবতং তাভিরূ ষু ঊতিভিরশ্বিনা গতম্ ॥১০॥

112.11

যাভিঃ সুদানূ ঔশিজায় বণিজে দীর্ঘশ্রবসে মধু কোশো অক্ষরৎ ।
কক্ষীবন্তং স্তোতারং যাভিরাবতং তাভিরূ ষু ঊতিভিরশ্বিনা গতম্ ॥১১॥

112.12

যাভী রসাং ক্ষোদসোদ্নঃ পিপিন্বথুরনশ্বং যাভী রথমাবতং জিষে ।
যাভিস্ত্রিশোক উস্রিয়া উদাজত তাভিরূ ষু ঊতিভিরশ্বিনা গতম্ ॥১২॥

112.13

যাভিঃ সূর্যং পরিয়াথঃ পরাবতি মন্ধাতারং ক্ষৈত্রপত্যেষ্বাবতম্ ।
যাভির্বিপ্রং প্র ভরদ্বাজমাবতং তাভিরূ ষু ঊতিভিরশ্বিনা গতম্ ॥১৩॥

112.14

যাভির্মহামতিথিগ্বং কশোজুবং দিবোদাসং শম্বরহত্য আবতম্ ।
যাভিঃ পূর্ভিদ্যে ত্রসদস্যুমাবতং তাভিরূ ষু ঊতিভিরশ্বিনা গতম্ ॥১৪॥

112.15

যাভির্বম্রং বিপিপানমুপস্তুতং কলিং যাভির্বিত্তজানিং দুবস্যথঃ ।
যাভির্ব্যশ্বমুত পৃথিমাবতং তাভিরূ ষু ঊতিভিরশ্বিনা গতম্ ॥১৫॥

112.16

যাভির্নরা শয়বে যাভিরত্রয়ে যাভিঃ পুরা মনবে গাতুমীষথুঃ ।
যাভিঃ শারীরাজতং স্যূমরশ্ময়ে তাভিরূ ষু ঊতিভিরশ্বিনা গতম্ ॥১৬॥

112.17

যাভিঃ পঠর্বা জঠরস্য মজ্মনাগ্নির্নাদীদেচ্চিত ইদ্ধো অজ্মন্না ।
যাভিঃ শর্যাতমবথো মহাধনে তাভিরূ ষু ঊতিভিরশ্বিনা গতম্ ॥১৭॥

112.18

যাভিরঙ্গিরো মনসা নিরণ্যথো ঽগ্রং গচ্ছথো বিবরে গোঅর্ণসঃ ।
যাভির্মনুং শূরমিষা সমাবতং তাভিরূ ষু ঊতিভিরশ্বিনা গতম্ ॥১৮॥

112.19

যাভিঃ পত্নীর্বিমদায় ন্যূহথুরা ঘ বা যাভিররুণীরশিক্ষতম্ ।
যাভিঃ সুদাস ঊহথুঃ সুদেব্যং ১ তাভিরূ ষু ঊতিভিরশ্বিনা গতম্ ॥১৯॥

112.20

যাভিঃ শংতাতী ভবথো দদাশুষে ভুজ্যুং যাভিরবথো যাভিরধ্রিগুম্ ।
ওম্যাবতীং সুভরামৃতস্তুভং তাভিরূ ষু ঊতিভিরশ্বিনা গতম্ ॥২০॥

112.21

যাভিঃ কৃশানুমসনে দুবস্যথো জবে যাভির্যূনো অর্বন্তমাবতম্ ।
মধু প্রিয়ং ভরথো যৎ সরড্ভ্যস্তাভিরূ ষু ঊতিভিরশ্বিনা গতম্ ॥২১॥

112.22

যাভির্নরং গোষুয়ুধং নৃষাহ্যে ক্ষেত্রস্য সাতা তনয়স্য জিন্বথঃ ।
যাভী রথাঁ অবথো যাভিরর্বতস্তাভিরূ ষু ঊতিভিরশ্বিনা গতম্ ॥২২॥

112.23

যাভিঃ কুত্সমার্জুনেয়ং শতক্রতূ প্র তুর্বীতিং প্র চ দভীতিমাবতম্ ।
যাভির্ধ্বসন্তিং পুরুষন্তিমাবতং তাভিরূ ষু ঊতিভিরশ্বিনা গতম্ ॥২৩॥

112.24

অপ্নস্বতীমশ্বিনা বাচমস্মে কৃতং নো দস্রা বৃষণা মনীষাম্ ।
অদ্যূত্যেঽবসে নি হ্বয়ে বাং বৃধে চ নো ভবতং বাজসাতৌ ॥২৪॥

112.25

দ্যুভিরক্তুভিঃ পরি পাতমস্মানরিষ্টেভিরশ্বিনা সৌভগেভিঃ ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥২৫॥